6 years ago
March 11, 2019
विर्तामोड (हाम्रो खेलकुद) – विभागीय टोली त्रिभुवन आर्मी क्लबले आयोजक मगमग झापा-११ फुटबल क्लबलाई ५-३ ले पराजित गर्दै झापा गोल्डकपको उपाधि रक्षा गरेको छ । आर्मीको जितमा फरवार्ड सन्तोष तामाङको दुई गोल निर्णायक सावित भयो ।
खेलको २३ औं मिनेटमा आर्मीले सन्तोष तामाङको गोलमा अग्रता लिएको थियो । मैदानको दायाँ भागबाट झन्डै २५ यार्ड टाढाबाट गरेको उनको फ्रिकिक प्रहार सिधै गोलमा परिणत भएको थियो ।
त्यसको १० मिनेटमा नै कप्तान भरत खवासले नवयुगको पासलाई सदुपयोग गर्दै आर्मीको अग्रता दोब्बर पारे । पहिलो हाफ सकिन २ मिनेट बाँकी रहँदा झापाका लागि विदेशी फरवार्ड फ्रान्ससले एक गोल फर्काए ।
दोस्रो हाफको सुरुवाती समयमा झापाका योगेश गुरुङले गोल गर्दै खेल बराबरीमा ल्याए । तर नवयुग श्रेष्ठले ७५ औं मिनेटमा आर्मीको अग्रता पुन: स्थापित गरे । त्यसको केहिबेरमा नै सन्तोषले व्यक्तिगत दोस्रो गोल गर्दै अग्रता दोब्बर पारे ।
इन्ज्युरी समयमा टेकबहादुर बुढाथोकीले गोल गर्दै आर्मीको फराकिलो जित पक्का गरे । अन्तिम समयमा झापाका भिक्टरले गोल फर्काएपनि खेलको नतिजा बदल्न त्यो गोल पर्याप्त रहेन ।
उपाधिसँगै आर्मीले १२ लाख ५५ हजार रुपैयाँ प्राप्त गरेको छ । उपविजेता झापाले लगातार दोस्रो पटक फाइनल गुमाउँदै ६ लाख रुपैयाँमा चित्त बुझायो ।
December 14, 2024
हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
December 12, 2024
काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]
