१० बर्ष अघी टोटेन्ह्यामबाट ट्राइल दिएर आफ्नो फुटबल करियर अघी बडाउने मौकालाई अस्वीकार गर्दै क्रीकेटमा आफ्नो भविष्य अघी बडाउने प्रयास स्वरुप इङ्ल्याण्डका सेम बिलिङ्सले आज आफ्नो आइपिएलको पहिलो खेलमा अर्ध शतक प्रहार गर्दै दिल्लीको जितमा महत्त्वपूर्ण योगदान दिएका छन ।
सेन्टर एयाटेकिङ मिड्फिल्डमा खेल्ने बिलिङ्सले टोटेन्ह्याम एकेडेमी बिरुद्ध ह्याट्रीक गर्दा ट्राइल दिने मौका पाएको तर दक्षिण बेलायतको यु १४ क्रीकेट टोलीसँग खेल खेल्न उनले त्यो अवसर अस्विकारेको कुरा डेली मेललाई जनाएका थिए । इङ्ल्याण्डका लागी ५ एक दिवसिय क्रीकेटमा देखा परीसकेका बिलिङ्सले क्रीकेट नै उनको पहिलो प्राथमिकता रहेको बताएका थिए।
क्रीकेट र फुटबल बाहेक बिलिङ्सले आफ्नो जन्मथलो केन्टका लागि टेनिस पनि खेली सकेका छन भने उनि स्क्वास र रग्बीमा पनि अब्बल छन ।
अन्य सम्पुर्ण खेल छोड्दै क्रीकेट खेलेका बिलिङ्सले दिल्लीको लागी पहिलो खेलमा कल्कोता बिरुद्ध ३ चौका र २ छक्काको मद्धतले ३४ बलमा ५४ रनको योगदान दिए ।
