default_image

5 years ago

October 3, 2019

च्याम्पियन्स लिगमा प्रशिक्षकको रुपमा लाम्पार्डको पहिलो जित

79 views

0 Bookmark

एजेन्सी – प्रशिक्षकको रुपमा फ्रान्क लाम्पार्डले युइएफए च्याम्पियन्स लिगमा पहिलो जितको स्वाद चाखेका छन्। बुधबार राति भएको खेलमा इंग्लिस क्लब चेल्सीले फ्रेन्च टोली लिलमाथि २–१ को जित निकालेपछि लाम्पार्डले पहिलो जितको स्वाद चाखेका हुन्।

लाम्पार्ड यसै सिजन चेल्सीको मुख्य प्रशिक्षकको रुपमा नियुक्त भएका थिए । च्याम्पियन्स लिगको पहिलो खेलमा चेल्सी भ्यालेन्सियासाग १–० ले पराजित भएको थियो । फ्रान्समा भएको खेलमा चेल्सीको जितमा टम्मी अब्राहम र विलियनले गोल गरे । घरेलु टोलीका भिक्टर ओसिमहेनले एक गोल फर्काए ।

खेलको २२औं मिनेटमा २२औं जन्मदिन मनाइरहेका टम्मी अब्राहमले गोल गर्दै चेल्सीलाई सुरुवाती अग्रता दिलाएका थिए । उनले फिकायो तोमोरीको पासमा गोल गरेका थिए । टम्मीको यो पहिलो च्याम्पियन्स लिगमा पहिलो गोल समेत हो । प्रिमियर लिगमा लगातार उच्च प्रदर्शन गरिरहेका टम्मीलाई इंग्ल्यान्डका प्रशिक्षक ग्यारेथ साउथगेटले युरो छनोट २०२० को लागि चेक रिपब्लिक र बेल्जियनविरुद्धको खेलमा टोलीमा समावेश गर्ने बताएका छन्।

३३औं मिनेटमा भिक्टर ओसिमहेनले बराबरी गोल फर्काउदा पहिलो हाफ १–१ गोलको बराबरीमा सकिएको थियो । भिक्टरले जोनाथन बाम्वाको पासमा गोल गरेका थिए ।

खेलभर नै घरेलु टोलीलाई दबाबमा राखेको चेल्सीले थप गोलको लागि निकै संघर्ष गर्नुपरेको थियो । लगातार पोस्ट आक्रमण बुनेपनि चेल्सीले लिलको बलियो रक्षापङ्ति तोड्न सकेको थिएन । तर, ७८औं मिनेटमा कलुह हड्सन ओडोईको पासमा ब्राजिली विलियनले भलीमार्फत सुन्दर गोल गर्दै चेल्सीलाई २–१ को अग्रता दिलाए ।

त्यसपछि थप गोल निस्कन नसक्दा चेल्सी विजयी भयो । जितसँगै चेल्सी समूह ‘एच’ मा २ खेलबाट ३ अंक जोडेर तेस्रो स्थानमा उक्लिएको छ । लिल अंकविहीन रहँदै पुछारमा छ ।

यही समूहको अर्काे खेलमा नेदरल्यान्ड्सको आयाक्सले भ्यालेन्सियाललाई उसकै मैदानमा ३–० ले पराजित गरेको छ । आयाक्सको जितमा हाकिम जियाच, क्विन्सी प्रोमिस र डोनी भान विकले गोल गरे । खेलको सुरुमै भ्यालेन्सियाले पेनाल्टीलाई सदुपयोग गर्न नसक्दा हार बेहार्न पुग्यो । जितसँगै अपराजित रहेको आयाक्स २ खेलबाट ६ अंक जोडेर शीर्षस्थानमा रहँदा भ्यालेन्सिया ३ अंक जोडेर दोस्रो स्थानमा छ ।

December 14, 2024

झापा कपको उद्घाटन खेल-आर्मी र एलएक्स सिटी खेल्ने

हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]

December 12, 2024

एनएसएलको तेस्रो संस्करण चैतमा

काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको‌ अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल‌ आयोजनाको अनुमतिपत्र […]

December 12, 2024

फुटबलर अमिशा र गीता नगदसहित सम्मानित

काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]

Success

Thank you for your time.