काठमाडौं (हाम्रो खेलकुद) – नेपाली यु–१९ टोलीका मुख्य प्रशिक्षक मेघराज केसीले प्रारम्भिक चरणबाट खेलाडी कटौती गरेका छन् ।

मुख्य प्रशिक्षक केसीले दोस्रो चरणमा ३१ खेलाडी छनोट गरेको हो । केही दिनमा अन्तिम टोलीको टुंगो लाग्नेछ । प्रशिक्षक केसीले प्रारम्भिक चरणमा ४८ खेलाडीलाई बोलाएको थियो ।

प्रारम्भिक चरणमा रहेका सच्चु गुरुङ, कैलाश लामिछाने, दिपेश गुरुङ, रेजिन माझी, कुशल फुयाल, सुजन शर्मा, एलिक रुम्वा, अशिम भुषाल, कर्मा शेर्पा, बिशाल शाही, बिजय श्रेष्ठ, , राम गुरुङ, युवेश थापामगर, महेश साह, र मौसम कार्की, मौसम सुब्बा र निसेन सुब्बाले दोस्रो चरणमा स्थान बनाउन सकेनन् ।

नेपाली टोली नोभेम्वर ६ देखि इरानमा आयोजना हुन लागेको एएफसी यु–१९ च्याम्पियनसिप छनोटको तयारीमा छ । छनोटमा नेपाल समूह ‘डी’ मा रहेको छ । नेपाल रहेको समूहमा आयोजक इरानसँगै युएईं र किर्गिस्तान रहेका छन् ।

दोस्रो चरणमा छानिएका टोली
गोलरक्षक – विशाल सुनार, रोहित कार्की, सुर्य अधिकारी र पुजन होना
डिफेन्डर – बिशाल बस्नेत, रन्दिप पौडेल, पदम भट्टराई, असिम गुरुङ, एन्जल महर्जन, नवीन गुरुङ, रोशन दोङ, बिकास खवास, योगेश गुरुङ, विजय श्रेष्ठ र निराजन महर्जन
मिडफिल्डर– दर्शन गुरुङ, शिशिर लेखी, रोशन रानामगर, रन्जन पुन, आकाश बुढाममगर, जया गुरुङ, मनिष थापा, नितिन थापा, अनिल महर्जन र दिनेश हेन्जन
फरवार्ड – ब्रिजेश चौधरी, निरज चौधरी, मनिष डाँगी, राजीव लोप्चन, रेजिन सुब्बा र दिपेश आलेमगर