‘रोनाल्डोको कमी पूरा गर्न गाह्रो छ’ – हाजार्ड

एजेन्सी – रियल म्याड्रिडका विंगर इडेन हाजार्डले टोलीका पूर्व स्टार क्रिस्टियानो रोनाल्डोको कमी महसुस हुन नदिन निकै कठिन रहेको अभिव्यक्ति दिएका छन् ।

रोनाल्डोले गत सिजन रियल म्याड्रिड छाडेर युभेन्टस पुगेपछि रियलले यसै सिजन हाजार्डलाई अनुबन्धन गरेको थियो । इंग्लिस क्लब चेल्सी छाडेर रियल आएका हाजार्डले अपेक्षित सुरुवात भने गर्न सकेका छैनन् । उनले रोनाल्डोको प्रस्थानपछि ७ नम्बर जर्सीबारे रियल म्याड्रिड टिभीसँग बोल्दै भने, ‘ रोनाल्डोपछि यो जर्सी लगाउनु सहज हुँदैन । उनी क्लबको इतिहास नै बनिसकेका खेलाडी हुन् । उनको कीर्तिमान र खेल्ने शैलीलाई पूरा गर्न निकै कठिन हुनेछ ।’

रियलले सिजनको सुरुवात राम्रो स्तरमा गर्न सकेको छैन । यद्यपी हाजार्डका अनुसार रियल अझैपनि सबै उपाधिका लागि भिड्न सक्षम रहेको छ । ‘ हामी आफूले सकेको प्रयास गर्नेछौं । हाम्रो प्रयास सबै जित्नुपर्छ भन्ने हो तर कम्तिमा एक उपाधि त जित्नेपर्छ,’ उनले भने, ‘ च्याम्पियन्स लिगको बेग्लै महत्त्व छ र म त्यसै लक्ष्यसहित यहाँ आएको हुँ । यो उपाधि क्लबका लागि मात्र होइन मेरो लागि पनि महत्त्वपूर्ण रहेको छ । म विश्वकै सर्वोत्कृष्ट क्लबमा छु र आशा गर्छु मेरो प्रदर्शन पनि यसै स्तरको हुनेछ ।’

‘रोनाल्डोको कमी पूरा गर्न गाह्रो छ’ – हाजार्ड

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल