4 years ago
November 18, 2019
एजेन्सी – सुपरस्टार फरवार्ड क्रिष्टियानो रोनाल्डोको ९९औं अन्तर्राष्ट्रिय गोलसँगै डिफेन्डिङ च्याम्पियन पोर्चुगलले युरोकपमा स्थान बनाएको छ । युरोकपमा स्थान बनाउन जित्नै पर्ने खेलमा पोर्चुगलले घरेलु टोली लक्जेमवर्गलाई २–० ले पराजित गर्दै समूह ‘बी’ को उपाविजेताको रुपमा छनोट हुन सफल भएको हो । छनोटको नजिक रहेको सर्विया शीर्षस्थानको युक्रेनसँग २–२ गोलको बराबरीमा रोकिएपछि पोर्चुगलको छनोट जीवित […]
एजेन्सी – सुपरस्टार फरवार्ड क्रिष्टियानो रोनाल्डोको ९९औं अन्तर्राष्ट्रिय गोलसँगै डिफेन्डिङ च्याम्पियन पोर्चुगलले युरोकपमा स्थान बनाएको छ । युरोकपमा स्थान बनाउन जित्नै पर्ने खेलमा पोर्चुगलले घरेलु टोली लक्जेमवर्गलाई २–० ले पराजित गर्दै समूह ‘बी’ को उपाविजेताको रुपमा छनोट हुन सफल भएको हो ।
छनोटको नजिक रहेको सर्विया शीर्षस्थानको युक्रेनसँग २–२ गोलको बराबरीमा रोकिएपछि पोर्चुगलको छनोट जीवित बनेको थियो । जितसँगै पोर्चुगलले ८ खेलबाट १७ अंक जोड्दै दोस्रो स्थानमा रह्यो । शीर्षस्थानको युक्रेनले २० अंक जोड्यो । सर्वियाको १४, लक्जेमवर्गको ४ तथा लिथुनियाको १ अंक रह्यो ।
लक्जेमवर्गमा आइतबार राति भएको खेलमा पोर्चुगललाई जिताउन ब्रुनो फर्नान्डेज र रोनाल्डोले गोल गरे । घरेलु टोलीलाई दवावमा राखेपनि पोर्चुगलले गोलको लागि ३९औं मिनेट कुर्नुपरेको थियो । खेलको ३९औं मिनेटमा बर्नाडो सिल्भाको पासमा ब्रुनोले गोल गर्दै पोर्चुगललाई अग्रता दिलाएका थिए । त्यसअघि ३२औं मिनेटमा पोर्चुगलका राफयल गुरेरोले गोलको सुन्दर मौका खेर फालेको थियो ।
दोस्रो हाफमा पनि दुवै टोलीले केही मौका खेर फालेको थियो । ८०औं मिनेटमा रोनाल्डोको फ्रिकिक पोस्टबाट थोरै बाहिरिएको थियो । खेल सकिन ४ मिनेट बाँकी रहँदा रोनाल्डोले गोल गर्दै पोर्चुगलाई २–० को जित दिलाए । २००३ देखि राष्ट्रिय टोलीमा रहेका रोनाल्डोको यो १६४ खेलमा ९९औं अन्तर्राष्ट्रिय गोल हो । उनी १०० गोल नजिक रहेका छन् ।
पोर्चुगलले २०१६ को युरोकपमा आयोजक फ्रान्सलाई अतिरिक्त समयमा १–० ले पराजित गर्दै च्याम्पियन बनेको थियो ।
यही समूहको अर्का खेलमा सर्विया र युक्रेनले २–२ गोलको बराबरी खेल्दै अंक बाँडे । बराबरीसँगै सर्वियाको प्ले अफबाट छनोट हुने सम्भावना रहेको छ ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]