4 years ago
December 26, 2019
धनगढी (हाम्रो खेलकुद)– घरेलु फुटबलको सर्वाधिक पुरस्कार राशीको नकआउट प्रतियोगिता खप्तड गोल्ड कप फुटबल प्रतियोगितामा १९ लाख रुपैयाँ भन्दा बढी घाटा परेको आयोजक सुदूरपश्चिम ११ स्पोर्टस् क्लबले जनाएको छ ।
खप्तड गोल्डकपको चौथो संस्करणको आय व्यय विवरण सार्वजनिक गर्दै १९ लाख ३१ हजार रुपैयाँ घाटा भएको क्लबका महासचिव प्रकाश शाहीले बिहीबार जारी गरेको विज्ञप्तीमा उल्लेख छ । खप्तडको विजेताले २१ लाख र दोस्रो हुने टोलीले ११ लाख रुपैयाँ पाउँछन् । गत वर्ष नेपाल पुलिस क्लबले उपाधि जित्दा रुस्लान थ्री स्टार क्लब उपविजेता बनेको थियो ।
पुरस्कारका लागि ३६ लाख रुपैयाँ खर्च भएको खप्तडमा कुल १ करोड १ लाख ६ हजार ६ सय ४५ रुपैयाँ खर्च भएको क्लबले जनाएको छ ।
गत वर्ष पुस २४ गते देखि माघ ५ गते सम्म भएको खप्तड गोल्ड कपमा ८१ लाख ७५ हजार ६ सय ४५ हजार रुपैयाँ आम्दानी भएको बताइएको छ ।
पुरस्कारतर्फ ३६ लाख खर्च भएको खप्तड गोल्डकपमा खेलाडी भत्ता तथा यातायातमा साढे ३६ लाख, अस्थायी प्यारापिट निर्माणमा ५ लाख, व्यानर छपाई र स्टेशनरीमा ५ लाख, उद्घाटन समापन तथा अतिथि सत्कारमा ४ लाख भन्दा बढी खर्च भएको बताइएको छ ।
त्यस्तै रेफ्री खर्चमा सवा ३ लाख, खेल मैदान मर्मत सम्भारमा २ लाख, विज्ञापन प्रचार प्रसारमा २ लाख ७५ हजार, डे«समा १ लाख, सुरक्षामा १ लाख ५० हजार, आयोजक टोलीको तयारीमा २ लाख ७५ हजार, स्थानीय यातायातमा १ लाख २५ हजार र विधिधमा गरेर एक करोड भन्दा बढी खर्च भएको क्लबले जनाएको छ ।
खप्तड गोल्ड कपका लागि मुख्य प्रायोजकबाट १२ लाख, टिकट विक्रीबाट १५ लाख, राखेपबाट ८ लाख, व्यानर प्रायोजबाट साढे ७ लाख, एभरेष्ट एकेडेमी अत्तरियाबाट ६ लाख, धनगढी उपमहानगरपालिकाबाट ५ लाख, जगदम्बा ईन्टरप्राईजेजबाट ४ लाख, गोदावरी नगरपालिकाबाट ३ लाख, स्वेता टेड्रिङ लिंकबाट १ लाख ८५ हजार आम्दानी भएको क्लबले विज्ञप्तीमा उल्लेख गरेको छ ।
त्यसैगरी एकेन्द्र कुँवरले २ लाख ५० हजार, निसर्ग अस्पताल, कैलाली अस्पताल, भागेश्वर ग्रुप, धनगढी उपमहानगरपालिका वडा नम्बर ३, आर के कन्ट्रक्सनले समान १ लाख रुपैयाँ खप्तड गोल्डकपलाई सहयोग गरेका थिए । व्यानर प्रायोजकबाट अझै ८ लाख ५० हजार रुपैयाँ संकलन हुन बाँकी रहेको क्लबले जनाएको छ ।
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]
May 18, 2024
एजेन्सी – बायर लेभरकुसेनले जर्मन शीर्ष डिभिजन बुन्डेसलिगाको २०२३-२४ सिजन भर अपराजित रहँदै लिग उपाधि जितेको छ । लेभरकुसेनले ३४ खेलको लिग सिजन भर कुनै पनि खेलमा हार नबेहोरी लिग सिजन समाप्त गरेको हो । शनिवार भएको लिगको अन्तिम खेलमा लेभरकुसेनले आउसवर्ग माथि २-१ को जित निकाल्दै अपराजित रहेको हो । लेभरकुसेनले ३४ खेलमा २८ […]