5 years ago
December 29, 2019
बिर्तामोड (हाम्रो खेलकुद) – दोस्रो हाफमा सुधारिएको प्रदर्शन गरेको कनकाई महिला फुटबल टोली प्रदेशस्तरीय महिला नकआउट फुटबल प्रतियोगिताको फाइनलमा प्रवेश गरेको छ । जितसँगै कनकाईले कम्तिमा ५१ हजार १ सय ११ रुपैयाँ सुरक्षित गरेको छ ।
आइतबार बिर्तामोडको डोमालाल राजवंशी रङ्गशालामा भएको दोस्रो तथा अन्तिम सेमिफाइनल खेलमा आयोजक बिर्तामोड फुटबल क्लबलाई २–० ले हराउँदै कनकाई फाइनलमा पुगेको हो । दोस्रो हाफको १५ र २४ औँ मिनेटमा कनकाईकी सरिता शेर्पाले गोल गर्दै टोलीलाई अन्तिम दुईको यात्रा तय गराइन् ।
सरिता नै खेलको वुमन्स अफ दि म्याच चुनिइन् । उनलाई झापा फुटबल क्लबका अध्यक्ष तथा झापा गोल्डकपका महासचिव गजेन्द्र पौडेलले १ हजार ५ सय रुपैयाँ प्रदान गरे । कनकाईले पुस १५ गते तमु ल्होसारका दिन कनकाईले धरान महिला फुटबल टिमसँग फाइनल खेल खेल्नेछ । धरानले इलामलाई हराउँदै फाइनल यात्रा तय गरेको थियो ।
‘तमू ल्होसार गोल्डकप–२०७६’ प्रतियोगिताको विजेताले १ लाख १ हजार १ सय ११ रुपैया प्राप्त गर्ने आयोजक बिर्तामोड फुटबल क्लबका अध्यक्ष डिके गुरुङले जानकारी दिए । फाइनल प्रतिस्पर्धा अगाडि तमु समुदायको विशेष सांस्कृतिक प्रस्तुति रहने आयोजकले जनाएको छ ।
December 14, 2024
हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
December 12, 2024
काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]
