4 years ago
January 2, 2020
काठमाडौं (हाम्रो खेलकुद)– गत महिना सम्पन्न १३ औं दक्षिण एसियाली खेलकुद (साग) को फुटबलका स्वर्ण पदक विजेता टोलीका कप्तान सुजल श्रेष्ठको गृह जिल्ला धनकुटा भव्य स्वागत भएको छ । सुजल र कास्य पदक विजेता उसुका चित्र सिंह ठकुरीलाई बिहीबार धनकुटा नगरपालिकाले नगद सहित सम्मान गरेको छ । सुजललाई १ लाख र चित्रलाई ५० हजार रुपैयाँसहित […]
काठमाडौं (हाम्रो खेलकुद)– गत महिना सम्पन्न १३ औं दक्षिण एसियाली खेलकुद (साग) को फुटबलका स्वर्ण पदक विजेता टोलीका कप्तान सुजल श्रेष्ठको गृह जिल्ला धनकुटा भव्य स्वागत भएको छ । सुजल र कास्य पदक विजेता उसुका चित्र सिंह ठकुरीलाई बिहीबार धनकुटा नगरपालिकाले नगद सहित सम्मान गरेको छ ।
सुजललाई १ लाख र चित्रलाई ५० हजार रुपैयाँसहित सम्मान गरिएको हो । धनकुटा नगरपालिकाका मेयर चिन्तन तामाङ, प्रमुख जिल्ला अधिकारी कृष्ण्बहादुर घिमिरेलगायतले सुजल र चित्रलाई सम्मान गरिएको थियो । पदक विजेता खेलाडीलाई नगरपरिक्रममा पनि गराइएको थियो ।
सुजल धनकुटा वडा ७ नम्बर र चित्र वडा नं ३ का स्थायी बासिन्दा हुन् । सुजलले आफ्नो ठाँउमा हुने सम्मानको बेग्लै अर्थ हुने बताए ।
‘सम्मान पाउँदा खुसी त यसै पनि लाग्छ । त्यसबाहेक आफ्नो ठाँउको माहोल भनेको बेग्लै हुन्छ । आमाबुबाको साथमा सम्मान थाप्न पाए,’ उनले भने,‘ आफ्नो ठाँउमा अधिकांशलाई चिनिन्छ । र अर्को महत्वपूर्ण भनेको यस्तो सम्मानले नयाँ पुस्ताको भाईबहिनीलाई प्रोत्साहन र हौसला मिल्छ । आफु पनि कुनै न कुनै क्षेत्रमा राम्रो गरौं भन्ने प्रेरणा मिल्छ । ’
सुजलले एक वर्ष भन्दा पछि घर आउँदा त्यसै पनि खुसी लागेको बताए । सन् २०१६ एएफसी सोलिडारिटी कप जितेपछि सुजल र राष्ट्रिय टोलीका कप्तान किरण चेम्जोङलाई धनकुटा जिल्ला फुटबल संघले सम्मान गरेको थियो ।
सुजलको कप्तानीमा रहेको नेपाली टोलीले भुटान २५ गते भुटानलाई २–१ ले हराउँदै नेपाल लगातार दोस्रो पटक सागमा स्वर्ण पदक जितेको थियो । लामो समय मनाङ मस्र्याङ्दी क्लबमा रहेर घरेलु फुटबल खेलेका सुजल यो सिजन मछिन्द्र क्लबमा आबद्ध भएका थिए ।
सागका दौरान घाइते भएका सुजल विस्तारै फिट भइरहेको बताएका छन् । सुरुवाती ३ खेल गुमाएका सुजलले पछिल्लो खेल भने खेलेका थिए । उनले मनाङविरुद्ध शनिबार हुने खेलका शुक्रबार काठमाडौं फर्कने बताए ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]