4 years ago
January 25, 2020
एजेन्सी – स्पेनिस ला लिगा अन्तर्गत लिगको शीर्षस्थानमा रहेको बार्सिलोनालाई भ्यालेन्सियाले हराएको छ । शनिबार घरेलु मैदान मेस्टालामा भएको खेलमा भ्यालेन्सियाले लिगको साविक विजेता बार्सिलोनालाई २-० ले पराजित गरेको हो । खेलको नवौं मिनेटमा नै भ्यालेन्सियाले पेनाल्टीमा गोल गर्ने अवसर पाएको थियो । जेरार्ड पिकेले पेनाल्टी क्षेत्रभित्र जोसे गायालाई लडाएपछि रेफ्रीले उनलाई पहेंलो कार्ड देखाउँदै […]
एजेन्सी – स्पेनिस ला लिगा अन्तर्गत लिगको शीर्षस्थानमा रहेको बार्सिलोनालाई भ्यालेन्सियाले हराएको छ । शनिबार घरेलु मैदान मेस्टालामा भएको खेलमा भ्यालेन्सियाले लिगको साविक विजेता बार्सिलोनालाई २-० ले पराजित गरेको हो ।
खेलको नवौं मिनेटमा नै भ्यालेन्सियाले पेनाल्टीमा गोल गर्ने अवसर पाएको थियो । जेरार्ड पिकेले पेनाल्टी क्षेत्रभित्र जोसे गायालाई लडाएपछि रेफ्रीले उनलाई पहेंलो कार्ड देखाउँदै पेनाल्टी दिएका थिए । तर म्याक्सी गोमेजको प्रहारलाई टेर स्टेगनले दायाँतर्फ उत्कृष्ट डाइभ दिँदै विफल पारे । त्यसअघि तेस्रो मिनेटमा बार्सिलोनाका कप्तान लिओनेल मेस्सीले एन्टोइन ग्रिज्मनको पासमा गरेको प्रहारले पोस्टको दिशा लिन सकेन ।
२७ औं मिनेटमा मेस्सीले प्रहार गरेको फ्रिकिकले पोस्टको दिशा लिन सकेन । लगत्तै कार्लोस सोलरको पासमा गोमेजको प्रहारलाई टेर स्टेगनले उत्कृष्ट ढंगले बचाए । त्यसको केहि समयमा नै केभिन गामेरियोको प्रहारमा पनि टेर स्टेगन नै बाधक बने । सोलरकै कर्नरमा ग्यब्रिएल पाउलिस्टाको हेडरले पोस्टको दिशा लिन सकेन ।
दोस्रो हाफको सुरुवातमै बार्साका युवा फरवार्ड अन्सु फातीले अग्रता दिलाउने अवसर पाए । मेस्सीको पासमा उनले पेनाल्टी क्षेत्र बाहिरबाट गरेको प्रहर थोरैले बाहिरियो । ४७ औं मिनेटमा भ्यालेन्सियाले जोर्डी अल्बाको आत्मघाती गोलमा अग्रता लियो । पहिलो हाफमा पेनाल्टी चुकाएका लोपेजले गरेको शक्तिशाली प्रहार अल्बालाई लाग्दै पोस्टभित्र छिरेको थियो ।
खेलमा पछि पर्ने बितिक्कै बार्सिलोनाले बराबरी गर्ने अवसर पाएको थियो । फ्रान्की डे जोङले पेनाल्टी क्षेत्रको बीचबाट गरेको प्रहारलाई विपक्षी गोलरक्षकले विफल पारे । ५७ औं मिनेटमा मेस्सीको प्रहार डिफेन्डरले ब्लक गर्दा भ्यालेन्सिया अग्रता जोगाउन सफल रहयो । लगत्तै ग्रिज्मनकै पासमा मेस्सीको प्रहार बाहिरियो ।
बार्सिलोनाले लगातर आक्रमण बुनेपनि मेस्सीले लगातार अवसरको सदुपयोग गर्न सकेन । ७६ औं मिनेटमा भने घरेलु टोली भ्यालेन्सियाले अग्रता दोब्बर पार्यो । फेरान टोरेसको पासमा गोमेजले पेनाल्टी क्षेत्र भित्रबाट गोल गर्दै भ्यालेन्सियालाई जिततर्फ उन्मुख गराए ।
यस हारसँगै बार्सिलोनाले २१ खेलमा ४३ अंक जोडेको छ । दोस्रो स्थानको रियल म्याड्रिडले एक खेल कम खेल्दै समान अंक जोडेको छ । गोलअन्तर समान भएपनि धेरै गोल गरेको आधारमा बार्सिलोना शीर्षस्थानमा रहेको हो । रियलले आइतबार लिगको खेलमा रियल भालाडोलिडको सामना गर्नेछ । भ्यालेन्सिया भने २१ खेलमा ३४ अंक जोड्दै पाँचौ स्थानमा उक्लेको छ ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]