4 years ago
February 3, 2020
काठमाडौं (हाम्रो खेलकुद) – युवा फरर्वाड अन्सु फातीको दुई गोलमा क्याटलान क्लब बार्सिलोनाले स्पेनिस ला लिगामा आइतबार लेभान्तेलाई २-१ ले पराजित गरेको छ ।
खेलको सुरुवातदेखि नै बार्सिलोनाले लेभान्तेमाथि दवाव कायम गरेको थियो । खेल अवधिभर लेभान्तेले पनि पटक पटक बार्सिलोना डिफेन्सलाई दवाव दिएपनि सान्तवना गोलस्वरुप अन्तिम मिनेटमा मात्र गोल गर्न सक्यो । सुरुवाती मिनेटमा नै कप्तान लियोनेल मेस्सी र एन्टोइन ग्रिज्मनको प्रहारलाई गोलरक्षक आइटर फर्नान्डेजले बचाएका थिए ।
पहिलो हाफको ३० अौं मिनेटमा बार्सिलोनाले फातीको गोलमा अग्रता लिएको थियो । कप्तान मेस्सीले एकै पटक लेभान्तेका ७ डिफेन्डर बिट गरेर दिएको पासलाई फातीले एक डिफेन्डर काट्दै गरेको प्रहार गोलमा परिणत भएको थियो । त्यसको दुई मिनेट नबित्दै बार्सिलोनाको अग्रता दोब्बर भयो ।
कप्तान मेस्सीकै पासमा फातीले व्यक्तिगत दोस्रो गोल गर्न सफल भए । उनले मेस्सीले पेनाल्टी क्षेत्रको दायाँ भागमा दिएको पासमा गरेको शक्तिशाली प्रहार गोलरक्षक फर्नान्डेजले बचाउन सकेनन् । मेस्सीकै पासमा नेल्सन सेमेडोले बार्सिलोनालाई ३-० को अग्रता दिलाउने अवसर गुमाए ।
दोस्रो हाफमा लेभान्तेले खेलमा फर्कने अवसर पाएपनि गोलरक्षक टेर स्टेगन बाधक बनिरहे । इन्ज्युरी समयमा रुबेन रोसिनाको प्रहार डिफ्लेक्ट हुँदै गोल भएपनि बार्सिलोना अग्रता कायम राख्न भने सफल भयो ।
यस जितसँगै बार्सिलोनाले शीर्षस्थानमा रहेको रियल म्याड्रिडसँग अंकको दुरी घटाएको छ । रियलको २२ खेलमा ४९ अंक छ भने बार्सिलोनाको २२ खेलमा ४६ अंक छ ।
May 7, 2024
एजेन्सी – म्यानचेस्टर युनाइटेडले इंग्लिस प्रिमियर लिगमा लज्जास्पद हार बेहोरेको छ । युनाइटेडले घरेलु टोली क्रिस्टल प्यालेससँग ४–० को लज्जास्पद हार बेहोरेको हो । युनाइटेडलाई लज्जास्पद हार चखाउन माइकल ओलिसेले दुई तथा जिन फिलिप माटेटा र टेरिक मिट्चेलले समान एक गोल गरे । यससँगै क्रिस्टल प्यालेसले यो सिजनको प्रिमियर लिगको दुवै खेलमा युनाइटेडलाई हराउन सफल […]
May 6, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत सोमबार भएका खेलमा खालीबारी युथ एफसी र रानीवन स्पोर्ट्स क्लब विजयी भएका छन् । एन्फा कम्प्लेक्समा भएको दिनको पहिलो खलमा खालीबारीले पुल्चोक स्पोर्ट्स क्लब माथि १-० को जित दर्ता गरेको हो । खालीबारीको जितमा मार्वल सुनुवारले २७औं मिनेटमा खेलको एकमात्र गोल गरे । जित पछि […]
May 6, 2024
सुबास हुमागाईं, काठमाडौं अखिल नेपाल फुटबल संघ (एन्फा) को विधान पल्टाउने हो भने संघको उद्देश्यको पहिलो बुँदामै फुटबल खेलको निरन्तर सुधार गर्ने तथा स्वच्छ खेल र आपसी एकताका कार्यक्रम प्रवर्द्धन गर्ने उल्लेख गरिएको छ । तर संघको वर्तमान कार्यशैली हेर्दा न खेलको सुधारमा ध्यान देखिन्छ न त आपसी एकता नै । विगत केही वर्षयता गुटको […]