4 years ago
February 6, 2020
एजेन्सी – दक्षिण कोरियाली फरवार्ड ह्युङ मिन सनको निर्णायक गोलमा टोटेनहम हस्टपर एफए कपको पाँचौ चरणमा पुग्न सफल भएको छ । प्रिमियर लिग प्रतिद्धन्द्धी साउथह्याम्पटनलाई रिप्ले खेलमा ३–२ ले पराजित गर्दै प्रि–क्वाटरफाइनलमा पुग्न सफल भएको हो ।
पहिलो खेलमा यि दुई टोलीले १–१ गोलको बराबरी खेलेका थिए । घरेलु मैदानमा बुधबार राति भएको खेलमा टोटेनहमको जितमा लुकास मौउरा र सानले गोल गर्दा एक गोल उपहार पाएको थियो । साउथह्याम्पटनका सेन लङ र ड्यानी इंग्सले गोल गरे ।
खेलको १२औं मिनेटमा ज्याक स्टेफेन्सको आत्मघाती गोलबाट टोटेनहमले खेलमा अग्रता बनाएको थियो । टांगे एनडोम्बेलेको प्रहारलाई रोक्न खोज्दा स्टेफेनले आफ्नै पोस्टमा गोल गर्न पुगेका थिए । ३४औं मिनेटमा सेन लङले गोल गरेपछि पहिलो हाफ १–१ गोलको बराबरीमा सकिएको थियो ।
७२औं मिनेटमा नाथन रेडमन्डको पासमा ड्यानी इंग्सले गोल गरेपछि साउथह्याम्पटनले खेलमा २–१ को अग्रता बनाएको थियो । ७८औं मिनेटमा लुकास मौउराले डेले अलीको पासमा गोल गरेपछि खेल २–२ गोलको रोमाञ्चक बराबरीको अवस्थामा पुगेको थियो । खेल सकिन ३ मिनेट बाँकी रहँदा ह्युङ मिन सनले पेनाल्टीमा गोल गर्दै टोटेनहमलाई ३–२ को जित दिलाए ।
डेली अलीको पासमा बल बढाउन खोज्दा सनलाई पेनाल्टी बक्समा गोलरक्षक एनगस गनले लडाएपछि टोटेनहमले पेनाल्टीको अवसर पाएको थियो । जसलाई सनले सदुपयोग गरे । अब टोटेनहमले प्रि–क्वाटरफाइनलमा नर्विच सिटीको सामना गर्नेछ । नर्विचले बर्नलीलाई २–१ ले पराजित गर्दै प्रि–क्वाटरफाइनलको यात्रा तय गरेको थियो ।
प्रि–क्वाटरफाइनल
चेल्सीविरुद्ध लिभरपुल
डर्वीविरुद्ध म्यानचेस्टर युनाइटेड
लेस्टर सिटीविरुद्ध बर्मिङघम
पोर्ट्समाउथविरुद्ध आर्सनल
रिडिङविरुद्ध सेफिल्ड युनाइटेड
सेफिल्ड वेनस्डेविरुद्ध म्यानचेस्टर सिटी
टोटेनहमविरुद्ध नर्विच सिटी
वेस्टब्रोमविरुद्ध न्यु क्यासल
May 6, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय पुरुष फुटबल टोलीले आज इङ्ल्यान्ड ‘सि’ को सामना गर्दैछ । खेल नेपाली समय अनुसार बेलुका ८:४५ बजे एल्डरशट स्थित नेशनल लिग टोली एल्डरशट टाउनको घरेलु मैदान इबिबि स्टेडियममा सुरु हुनेछ । इङ्ल्यान्डमा रहेका नेपाली समुदायमा फुटबलको प्रोफाइल उकास्न र दक्षिण एसियाली समुदायको सहभागिता बढाउन सहयोग पुर्याउने […]
May 6, 2024
पोखरा (हाम्रो खेलकुद) – सहारा क्लब पोखराले उत्कृष्ट खेलकुद संघ संस्था वा क्लबतर्फको अवार्ड पाउने भएको छ । नेपाल खेलकुद पत्रकार मन्च गण्डकीले आठौं पोखरा स्पोर्टस अवार्ड २०८० मा सहारालाई अवार्ड दिने निर्णय गरेको बताइएको छ । अवार्ड शुक्रबार हुँदैछ । अवार्डको छैटौं सस्करणसम्म यो विधामा खेल संघलाई मात्र प्रदान गरिदै आएकोमा सातौँ संस्करणबाट खेल […]
May 5, 2024
एजेन्सी – इंग्लिश प्रिमियर लिग अन्तर्गत आइतवार साँझ भएको खेलमा लिभरपुल विजयी भएको छ । लिभरपुलले टोटेनहम हटस्परलाई ४-२ ले पराजित गरेको हो । खेलको १६ औं मिनेटमा मोहम्मद सालाहले गोल गर्दै लिभरपुललाई अग्रता दिलाएका थिए । कोडी गाक्पोको क्रसमा सालाहले हेडर मार्फत गोल गर्दै टोलीलाई अग्रता दिलाएका थिए । ४५ औं मिनेटमा लिभरपुलका लागि […]