4 years ago
February 20, 2020
एजेन्सी – क्याटलान क्लब बार्सिलोनाले आकस्मिक अवस्थामा खेलाडी अनुबन्ध गर्न पाउने अधिकारको प्रयोग गर्दै ट्रान्सफर विन्डो सकिएपछि पनि लेगानेसबाट फरवार्ड मार्टिन ब्रेथवेटलाई अनुबन्ध गरेको छ ।
फ्रान्सेली युवा विंगर ओस्मान डेम्बेले लामो समयका लागि मैदानबाहिर रहने पक्का भएपछि बार्सिलोनाले उनको विकल्पमा नयाँ खेलाडी अनुबन्ध गरेको हो । लेगानेसबाट खेल्दै आएका ब्रेथवेट डेनमार्कका हुन् । उनले सन् २०२४ सम्मका लागि बार्सिलोनामा सम्झौता गरेका छन् । उनको रिलिज कलज ३ सय मिलियन युरो तोकिएको छ ।
बार्सिलोनाले डेम्बेले घाइते भएपछि उनको विस्तृत स्वास्थ्य रिपोर्ट ला लिगा समक्ष बुझाएको थियो । ला लिगाले बार्सिलोनालाई नयाँ फरवार्ड अनुबन्धन गर्न स्वीकृति दिएपछि लेगानेसबाट ब्रेथवेट बार्सिलोना आएका हुन् । लेगानेसले यसअघि अर्का फरवार्ड युसुफ एन नेस्य्रीलाई सेभिल्लामा बेचेको थियो । रेलिगेसन क्षेत्रमा संघर्ष गरिरहेको लेगानेसले पनि नयाँ खेलाडी अनुबन्ध गर्न खोज्दा भने लिगले स्वीकृति दिएन ।
बार्सिलोनाका अर्का फरवार्ड लुइस सुआरेज पनि अझै केहि समय मैदानबाहिर छन् । उनको घुँडाको शल्यक्रिया गरिएको छ । डेम्बेले पनि कम्तिमा ६ महिना मैदानबाहिर रहनेछन् । ब्रेथवेटको आगमनसँगै मेस्सी र अन्सु फातीमा भर परेको बार्सिलोनाको आक्रमणलाई केहि सहज हुनेछ । लिगको दोस्रो स्थानमा रहेको बार्सिलोना रियल म्याड्रिडभन्दा १ अंक पछाडी छ ।
May 6, 2024
काठमाडौं (हाम्रो खेलकुद)- एनआइसी एसिया बैंकले राष्ट्रिय महिला फुटबल तथा त्रिभुवन आर्मी क्लबकी गोलकिपर अन्जना रानामगरलाई आफ्नो ब्राण्ड प्रमोटर नियुक्त गरेको छ। गत वर्ष फागुनमा साउदी अरबमा भएको वाफ च्याम्पियनसिपमा दोस्रो भएको नेपाली राष्ट्रिय महिला टोलीको सम्मानमा बैंकले सोमबार आयोजना कार्यक्रमकै दौरान अन्जनालाई ब्राण्ड प्रमोटरको रुपमा घोषणा गरेको हो।
May 6, 2024
काठमाडौं (हाम्रो खेलकुद) – नेपालको एकमात्र अन्तर्राष्ट्रिय मान्यता प्राप्त दशरथ रंगशालाको फुटबल मैदानले अब अन्तर्राष्ट्रिय फुटबल गर्ने मान्यता गुमाउने भएको छ । एसियाली फुटबल महासंघ (एएफसी) ले गत साता गरेको रंगशाला निरीक्षणपछि रंगशालाको विभिन्न पक्षमा प्रश्न उठाएको हो । एन्फा महासचिव किरण राईका अनुसार रंगशालाको मैदानको पिच, फ्लड लाइट र सुरक्षा सम्बन्धि विषयमा एएफसीले गम्भीर […]
May 6, 2024
काठमाडौं (हाम्रो खेलकुद)– एभरग्रिन कन्स्ट्रकसन एन्ड कन्स्लटेन्सी प्रालिले राष्ट्रिय फुटबल टोली तथा एपिएफकी फरवार्ड सविता रानामगरलाई नगदले पुरस्कृत गरेको छ । प्रालिका अध्यक्ष अभिषेक कोइराला र मेनेनजर स्रदिप प्रधानले सोमबार सवितालाई चेक हस्तान्तरण गरेका थिए । साउदी अरबमा फागुनमा भएको वाफ च्याम्पियनसिपमा उच्च प्रदर्शन गरेकामा भन्दै प्रालिले उनलाई नगदले पुरस्कृत गरेको हो । जोर्डनसँगको फाइनलमा […]