4 years ago
March 8, 2020
एजेन्सी – बोरुसिया डर्टमन्डले जर्मन बुन्डेस लिगाको उपाधि यात्रालाई जीवितै राख शनिबार राति बोरुसिया मोन्चेनग्लाडवाचलाई पराजित गरेको छ । डर्टमन्डले घरेलु टोली मोन्चेनग्लाडवाचलाई २–१ ले निराश पार्दै शीर्षस्थानको बायर्न म्युनिखमाथि दवाव सिर्जना गरेको हो ।
जितसँगै डर्टमन्डको २५ खेलबाट ५० अंक पुगेको छ । एक खेल कम खेलेको शीर्ष स्थानको बायर्नको ५१ अंक छ । पराजित मोन्चेनग्लाडवाच ४६ अंक जोडेर पाँचौ स्थानमा छ । बोरुसिया पार्क मोन्चेनग्लाडवाचमा डर्टमन्डको जितमा थोर्गन हजार्ड र अचरफ हाकिमीले गोल गरे । घरेलुु टोलीका लार्स स्टिन्डिलले एक गोल फर्काए ।
निकै नै प्रतिस्पर्धात्मक खेलको आठौं मिनेटमा थोगर्न हजार्डको गोलमा डर्टमन्डले खेलमा अग्रता बनाएको थियो । हजार्डले यसै सिजन विन्टरमा अष्ट्रियन क्लब साल्जवर्गबाट अनुबन्धित भएका नर्वेजियन युवा फरवार्ड अर्लिङ ब्राउट हालान्डको पासमा गोल गोल गर्न सफल भएका थिए ।
हालान्डले डर्टमन्ड आएयता उच्च प्रदर्शन गरिरहेका छन् । उनले यो सिजन डर्टमन्डबाट ८ खेलमा ९ गोल र एक असिस्ट दिएका छन् ।
५०औं मिनेटमा घरेलु टोलीले खेललाई १–१ गोलको बराबरीमा ल्याए । स्टिन्डिलले एलासाने प्लियाको पासमा गोल गर्न सफल भएका थिए ।
७१औं मिनेटमा अचरफ हाकिमीले गोल गर्दै डर्टमन्डलाई खेलमा पुनः २–१ को अग्रता दिलाए । हाकिमीले जाडोन सान्चोको पासमा गोल गर्न सफल भएका थिए । त्यसपछि थप गोल निस्कन नसक्दा डर्टमन्ड २–१ ले विजयी हुन सफल भयो ।
अन्य नतिजा
पाडेरवर्नविरुद्ध कोल्न (१–२)
लिभरकुसेनविरुद्ध फ्रन्कफर्ट (४–०)
फ्रेइवर्गविरुद्ध युनियन बर्लिन (३–१)
हर्था बर्लिनविरुद्ध वेर्डर ब्रेमेन (२–२)
साल्केविरुद्ध होफेनहाइन (१–१)
वल्सवर्गविरुद्ध आरबी लाइप्जिग (०–०)
May 18, 2024
एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]
May 17, 2024
एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]