5 years ago
March 9, 2020
एजेन्सी – एसी मिलान इटालियन सिरी ‘ए’ मा जिनोआसँग स्तब्ध बनेको छ । (कोभिड–१९) कोरोना भाइरसको सन्त्रासका कारण बन्द रंगशालामा मिलान घरेलु मैदानमै रेलिगेसन जोनका रहेको जिनोआसँग २–१ ले स्तब्ध बनेको हो ।
घरेलु मैदानमा मिलानलाई स्तब्ध बनाउन गोरान पान्डेभ र फ्रान्सिस्को कासाटाले गोल गरे । मिलानका भेट्रान फरवार्ड ज्लाटन इभ्राहिमोभिचले गोल गरेपनि हार टार्न सकेन । मिलानोमा खेलको सातौ मिनेटमा नै घरेलु टोली गोरान पान्डेभको गोलबाट पछि परेको थियो । गोरानले एन्टेनियो सानाब्रियाको पासमा गोल गरेका थिए ।
खेलमा एक गोलले पछि परेपछि मिलानले लगातार दवावमा राखेपनि जिनोआको बलियो रक्षापङ्ति तोड्न सकेन । बरु ४१औं मिनेटमा अर्काे गोल खान पुग्यो । लासी स्कनको पासमा फ्रान्सिस्कोले गोल गरेपछि मिलान पहिलो हाफमा २–० ले पछि परेको थियो ।
दोस्रो हाफमा पनि मिलानले जिनोआलाई लगातार दवावमा राख्दै एक गोल फर्काउन सफल भयो । ७७औं मिनेटमा ज्लाटनले गोल गर्दै मिलानलाई खेलमा फर्काउने संकेत दिए । तर, त्यसपछि थप गोल निस्कन नसक्दा मिलान घरेलु मैदानमै स्तब्ध बन्न पुग्यो । मिलानले खेलभर २३ आक्रमण बुनेपनि गोल गर्न असफल रह्यो ।
हारपछि मिलान ३६ अंकसहित सातौ स्थानमा रहेको छ । जिनोआले भने रेलिगेसन जोन छोडेको छ । लिससँग समान २५ अंक रहेपनि जिनोआ गोल अन्तरमा १७औं स्थानमा रहेको हो ।
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
December 12, 2024
काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]
December 12, 2024
एजेन्सी – बार्सिलोना च्याम्पियन्स लिग अंक तालिकाको दोस्रो स्थानमा उक्लेको छ। बार्सिलोनाले बुधवार बोरुसिया डर्टमन्डलाई ३-२ ले पराजित गर्दै दोस्रो स्थानमा स्थानमा उक्लेको हो। दोस्रो हाफमा मैदानमा प्रवेश गरेका फेरान टोरेसको निर्णायकसहित २ गोल गरेपछि बार्सिलोना विजयी भएको हो। पहिलो हाफ गोलरहित बराबरीमा टुंगिएको थियो। ५२औं मिनेटमा बार्सिलोनाले कप्तान राफिन्हाको गोलमा अग्रता लियो । डर्टमन्ड […]
