एजेन्सी – बार्सिलोनाले अर्कोका सिजनको लागि ब्राजिलका स्टार नेयमार र अर्जेन्टिनी फरवार्ड लाउटारो मार्टिनेजलाई भित्राउने लक्ष्य राखेको छ । यद्दपी दुवैसँगको सम्झौता सहज भने छैन ।

तर, पनि बार्सिलोनाले ३ सय मिलियनसम्म खर्च गर्ने सम्भावना रहेको छ । यदि नेयमार र मार्टिनेज दुवै आबद्ध हुने सम्भावना रहेको खण्डमा भने अहिले भएका सबै खेलाडीले मौका पाउँछन् भन्ने हुँदैन । केहि खेलाडीको भविष्य अनिश्चित जस्तै हुन सक्छ ।

लियोनल मेस्सी – शंका छैन

मेस्सीका विषयमा भने कुनै शंका हुने छैन । जुन सुकै खेलाडी आएको खण्डमा पनि आउने सिजनमा मेस्सीको भूमिका कम हुने छैन ।

लुइस स्वारेज – अन्तिम सिजन

स्वारेजको सम्झौता जुन २०२१ सम्म रहेको छ । अहिले उनी ३४ वर्षका भइसकेका छन्। उनको सम्झौता नविकरण हुने नहुने विषय अहिले टुंगेको छैन । यद्दपी उनले आउने सिजनमा ६० प्रतिशत खेल खेल्ने अनुमान गरिएको छ । चोटका कारण यो सिजन उनको प्रदर्शन सन्तोषजनक रहन सकेको छैन ।

एन्टोनी ग्रिजम – ठूलो अपेक्षा 

फ्रान्सेली फरवार्डबाट बार्सिलोनाले ठूलो अपेक्षा राखेको थियो । त्यसैले १ सय २० मिलियनमा उनलाई एट्लेटिको म्याड्रिडबाट लिइएको थियो । नेयमा र मार्टिनज आबद्ध भएको खण्डमा भने उनले खेल्ने सम्भावना कम हुनेछ । कम भूकिमा पनि उनी सन्तुष्ट रहन्छन् की रहँदैन त्यो भने समयले बताउनेछ ।

ओसमाने डेम्बेले – लगातार घाइते

बार्सिलोनाले योजना गरेको दुई खेलाडीलाई भित्राउन सकेको खण्डमा डेम्बेलेलाई बेच्ने लगभग तय छ । यद्दपी उनलाई कुन क्लबले किन्ने इच्छा देखाउँछन् त्यो भने यकिन छैन । सबैलाई थाहा छ उनको फिटनेसमा समस्या छ । त्यस्तो अवस्थामा कुनै पनि क्लब जोखिम उठाउन तयार नहुन सक्छन् ।

मार्टिन ब्रेथवाइट –

पछिल्लो पटक बार्सिलोनामा लामो सम्झौता गर्नेमा ब्रेथवाइट पर्दछन् । मुख्य प्रश्न के साच्चै क्लबले उनीमाथि भरोसा गर्न सक्छ भन्ने हो । यदि क्लबमा बेन्चमा पनि रहन तयार भए भने उनीप्रति क्लब सकारात्मक हुन सक्छ । उनी आफै पनि टोलीमा जम्न प्रयास गर्नेछन् ।

अन्सु फाती – भविष्य

नेयमार र मार्टिनेजको आगमन भएको खण्डमा अन्सु फातीका लागि पनि खतरा हुन सक्छ । त्यस्तो अवस्थामा थोरै मात्र समय पनि पाउन उनको लागि कठिन हुन सक्छ । त्यस्तो अवस्थामा लोनमा कतै जाने उनका लागि उत्तम विकल्प हुन सक्दछ । यो सिजन उनले मौका पाउँदा जस्तो प्रदर्शन गरे त्यसले उनीमा प्रचुर सम्भवना रहेको अनुमान गरिएको छ । त्यसैले क्लब पनि उनलाई गुमाउन चाहदैन ।