एजेन्सी – विश्व फुटबलले निकै आम्दानी गरेको छ । त्यसको एउटा मुख्य कारण भनेको खेलाडी हुन् ।

खेलाडी विना उच्च सुरुवा रकम र पारिश्रमिकका कारण फुटबल आर्थिक रुपमा पनि निकै बलियो भएको छ । अहिले विश्व फुटबलमा महँगा ५ खेलाडी यी हुन् ।

१. केलियन एमबाप्पे (पेरिस सेन्ट जर्मेन)– १ सय ६० मिलियन युरो

लियोनल मेस्सी र क्रिस्टियानो रोनाल्डो पछि एमबाप्पेलाई अर्को फुटबल सुपर स्टारका रुपमा हेरिएको छ । अहिले उनी सर्वाधिक मुल्यवान खेलाडीका रुपमा हेरिएका छन् । २१ वर्षका एमबाप्पले क्लब र फ्रान्सेली दुवैका लागि महत्वपूर्ण खेलाडी हुन् । उनले अहिलेकै फर्मलाई निरन्तरता दिन सकेकेका खण्डमा भविष्यमा बालोन डी ओर नजित्ने कुनै कारण छैन ।

२. नेयमार (पेरिस सेन्ट जर्मेन) – १ सय २८ मिलियन युरो

विश्व फुटबल सर्वाधिक चर्चा हुने खेलाडी मध्येका एक हुन ब्राजिलियन सुपर स्टार नेयमार । उनलाई अहिलेका सक्रिय फुटबल खेलाडी मध्येका एक उत्कृष्ट खेलाड मान्ने पनि त्यत्तिकै छन् । कतिपय अवस्थामा भने उनी मैदान भित्र भन्दा मैदान बाहिरका घटनाका कारण बढी चर्चामा रहने गरेका छन् । मैदानमा हुँदा भने उनले क्लब र देश दुवैका लागि एकरुपताको प्रदर्शन गर्दै आएका छन् ।

३. रहिम स्टर्लिङ (म्यानचेस्टर सिटी) –१ सय १८ मिलियन युरो

स्टर्लिङ अहिलेका इग्लिस खेलाडीमध्येका एक प्रतिभवान खेलाडी हुन् । सिटीमा ग्वार्डिओलानको प्रशिक्षणमा उनले उच्च प्रदर्शन गरिरहेको मानिन्छ । उनको उच्च प्रदर्शनका कारण सिटीले सबै खाले प्रतियोगितामा एकरुपको प्रदर्शन गर्दै आएको छ । उनी आफै पनि गोल गरिराख्नेमा पर्दछन् ।

२५ वर्षे उनले आफुलाई चाँडै सिटीमा जमाएका हुन् । लिभरपुलका पूर्व स्टार रियल म्याड्रिडले पनि उनलाई भित्राउन खोलेको थियो । तर ग्वार्डिओलो उनलाई सहजै गुमाउने छैनन् ।

४.मोहम्मद सलाह (लिभरपुल) – १ सय २० मिलियन युरो

पछिल्ला समयमा लिभरपुलले प्राप्त गरेका सफलताका महत्वपूर्ण खेलाडी मध्यका एक सलाह हुन् । गत सिजन लिभपुरलाई च्याम्पियन्स लिग जिताउन होस् वा यो सिजन लिभपुरलाई प्रिमियर लिगको शीर्षस्थानमा राख्न उनको भूमिका महत्वपूर्ण रहँदै आएको छ । फुटबल पुनः सुरु हुँदा टोलीले इजिप्सियन फरवार्डको उच्च प्रदर्शनको अपेक्षा गर्नेछ । अब दुई खेल जित्दा लिभपुलले प्रिमियर लिग जित्नेछ ।

५.साडियो माने (लिभरपुल) – १ सय २० मिलियन युरो

सहाल जस्तै लिभरपुलका लागि अर्को महत्वपूर्ण खेलाडी हुन् माने । जारी सजनमा टोलकिा लागि उनी उत्कृष्ट खेलाडी रहँदै आएका छन् । २७ वर्षे फरवार्डको महत्वपूर्ण गोलमा टोलीले जित हासिल गर्दै आएको छ । जसका कारण टोलीले प्रिमियर लिगमा दोस्रो स्थानका सिटीभन्दा २५ अंक बढी जोडेको छ ।

उनलाई यो वर्ष बालोन डी ओरको सम्भावित विजेताका रुपमा हेरिएको थियो । तर, बार्सिलोनाका लियोन मेस्सीले जितेका थिए । त्यो उनको छैटौं बालोन डी ओर हो ।