4 years ago
May 13, 2020
एजेन्सी – स्पेनिस महारथी रियल म्याड्रिडका ब्राजिलियन डिफेन्डर मार्सेलो मंगलबार ३२ वर्ष पुगे । कोरोना भाइरसका कारण स्थगित लिग सुचारु हुने तयारी गरिरहँदा मंगलबारदेखि नै प्रशिक्षण पनि सुरु भएको छ ।
कोरोनाका कारण लिग स्थगित हुँदा मार्सेलोलाई केहि फाइदा भने पुगेको छ । चोटका कारण मैदानबाहिर रहेका मार्सेलोले टोलीमा पुनरागमन गर्न उचित समय पाए । रियल बेटिसविरुद्ध खेलमा ह्यामस्ट्र्रीङ चोट बोकेपछि सिजनको अन्त्य गुमाउने पक्का देखिएको थियो । तर उनले आफूलाई लकडाउनको समयमा चुस्त राख्दै प्रशिक्षणमा फर्किएका छन् ।
क्वारेन्टिनको समयमा मार्सेलोले निकै मिहिनेत गरेर पुन: टोलीमा छनोटका लागि तयार भए । ला लिगाका अध्यक्ष जाभिएर टेबासले जुन १२ देखि लिग सुचारु गर्ने लक्ष्य राखेका छन् । मार्सेलो पनि त्यसै लक्ष्यसाथ प्रशिक्षण गरिरहेको रियल म्याड्रिडले सामाजिक संजालमा हालेको भिडियोहरुमा देख्न सकिन्छ । गत बुधबार कोरोना परिक्षणमा सामेल भएका मार्सेलो शारीरिक रुपमा चुस्त देखिएका छन् ।
मार्सेलोले केहि अघिमात्र इन्स्टाग्राममा संदेश दिंदै हाललाई रियल म्याड्रिड छोड्ने कुनै सोच नभएको बताएका छन् । सन् २००६ मा रियल म्याड्रिड आएका मार्सेलो टोलीका दोस्रा कप्तान हुन् । १४ वर्षको बसाइमा मार्सेलोले थुप्रै उपाधि जितेका छन् ।
मार्सेलोले ४ च्याम्पियन्स लिग, ४ ला लिगा उपाधि, ४ क्लब विश्वकप, ४ स्पेनिस सुपर कप तथा ३-३ पटक युरोपेली सुपर कप र कोपा डेल रे उपाधि जितेका छन् । रियल म्याड्रिडका लागि रामोस र उनले २१ उपाधि जित्दा पाको जेन्टोले मात्र बढी उपाधि (२३ ओटा) जितेका छन् ।
मार्सेलो र रियल म्याड्रिडबीच २०२२ सम्म सम्झौता रहेको छ । मार्सेलोको नजर अब रोबर्टो कार्लोसले रियल म्याड्रिडमा राखेको कीर्तिमानमा छ । कार्लोसले रियल म्याड्रिडका लागि ५ सय २७ खेल खेलेका थिए । यो संख्या विदेशी खेलाडीले रियल म्याड्रिडमा खेलेको सर्वाधिक खेल पनि हो ।
मार्सेलो कार्लोसलाई आफ्नो आदर्श खेलाडी मान्ने गर्छन् । मार्सेलो आफैंले पनि रियलको जर्सीमा ५ सय ५ खेल खेलिसकेका छन् । कार्लोसको कीर्तिमानमा पुग्न मार्सेलोले कम्तिमा अर्को सिजनसम्म रियल बस्नै पर्छ । यस सिजन लिगमा ११ खेल र च्याम्पियन्स लिग मात्र बाँकी रहँदा उनले कीर्तिमान तोड्न केहि प्रतिक्षा गर्नुपर्ने देखिन्छ ।
May 10, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल अखदुद विरुद्ध ३-२ को जित दर्ता गरेको हो । खेलको सातौं मिनेटमा अली अल हसनको पासमा गोल गर्दै मार्सलो ब्रोजोभिचले अल नासरलाई अग्रता दिलाएका थिए । सो अग्रता १५औं मिनेटमा क्रिस्टियानो रोनाल्डोले अल हसनकै पासमा दोब्बर बनाए […]
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]