एजेन्सी– अन्सु फाती बार्सिलोनाको पहिलो टोलीका नियमित खेलाडी बनिसकेका छन् । रोनाल्ड कोम्यानको सिनियर टोलीमा परेका १७ वर्षे फातीले २२ नम्बरको जर्सी लगाउँदै आएका छन् । उनको रिलिज क्लब पनि ४ सय मिलियन युरो बनाइएको छ ।

पहिलो टोलीको नियमित खेलाडी भएपनि उनको अहिलेको सम्झौता सन् २०२२ सम्मको रहेको छ । कम उमेरका कारण उनले एक पटकमा २ वर्ष भन्दा लामो सम्झौता गर्न पाउँदैनन् ।

तर जति बेला फाती १८ वर्षका पुग्नेछन् बार्सिलोनाले उनलाई अहिलेको सम्झौतामा मुल्यमा निकै बढाउने अनुमान गरिएको छ । नयाँ सम्झौतापछि एउटा सिजनमा फातीले १० मिलियन युरो सम्म पाउने सम्भावना रहेको बताइएको छ ।

अहिले भएको सम्झौता रकममा वृद्धि नगर्दा फातीलाई किन्न अन्य क्लबहरुले ठूलो रकम खर्च गर्न सक्ने सम्भावना रहन्छ । सिजनकै सुरुवातामा पनि काटलान क्लबले फातीका लागि १ सय ५० मिलियन युरोको प्रस्ताव पाएको थियो । तर, क्लबले त्यसर्लाइ स्वीकार गरेन ।

फाती आफै पनि आफ्नो पारिश्रमिकमा पक्कै वृद्धि चाहन्छन् । त्यसले क्लबलाई पनि सहज हुने छैन । यद्दपी अहिले उनको र क्लबका बीचमा यो विषयमा कुरा भएको छैन । अर्को वर्ष बोर्डको निर्वाचन पछि नयाँ सम्झौताका विषयमा छलफल हुने अनुमान छ ।

क्लबको नयाँ आउने अध्यक्षले पनि फातीलाई क्लबको भविष्यका खेलाडकिा रुपमा लिनेछन् । यद्दपी अहिले उनको सम्झौता २०२२ को जनवरी सम्म छ । त्यसपछि उनी अन्य क्लबसँग सम्झौताका लागि खुला हुनेछन् ।