एजेन्सी – इंग्लिस प्रिमियर लिगमा आजर राति टोटेनहम हस्टपर र आर्सनलबीच प्रतिस्पर्धा हुदैछ । खेल टोटेनहमको मैदानमा राति १०ः१५ बजे हुनेछ ।

टोटेनहमलाई प्रिमियर लिगको शीर्षस्थानमा उक्लने अवसर छ । त्यसैले लयमा रहेको टोटेनहम आर्सनललाई पराजित गर्दै शीर्षस्थानमा उक्लने दाँउमा हुनेछ ।

दोस्रो स्थानमा रहेको टोटेनहमको २१ अंक छ । शीर्षस्थानको चेल्सीको २२ अंक छ । आर्सनललाई हराउन सके टोटेनहमले शीर्षस्थानमा २ अंकको अग्रता लिनेछ । चोटका कारण ह्यारी केनले खेल्ने सम्भावना न्युन रहँदा टोटेनहमसँग ह्युङ मिन सन, स्टेभन वर्गवाइन, टांगी एनडोम्वेले, पिएरे इमिल होब्जजर्ग, सिसोको, सर्जियो रिगुइलोन, इरिक डिएर, सर्जी औरिएर र गोलरक्षक ह्युगो लोरिसको साथ रहेको छ ।

यता, आर्सनल पनि टोटेनहमलाई पराजित गर्दै अंक तालिका सुधार गर्ने लक्ष्यमा हुनेछ । कमजोर प्रदर्शन गरिरहेको आर्सनल १३ अंक जोडेर १५औं स्थानमा रहेको छ । आर्सनलसँग पिएरे इमरिक औवामियाङ, विलियन, ग्यारेथ बेल, एलेसान्द्रे लाकाजेट, हेक्टर बर्लिन, ग्रानिट झाँका, रव होल्डिङ, गाब्रियल र गोलरक्षक बन्ड लेनोको साथ रहेको छ ।

टोटेनहम अक्टोवरमा युरोपा लिगमा रोयल एन्टवेर्पसँग १–० ले पराजित भएयता सात खेलमा अपराजित रहेको छ । टोटेनहम सोही अपराजित यात्रालाई निरन्तरता दिने दाँउमा हुनेछ । यता आर्सनलले भने मिश्रित नतिजा आत्मसात गरेको छ ।

यि दुई टोलीबीचको २४ खेलको नतिजामा आर्सनल ९ खेलमा विजयी भएको छ । ८ खेल टोटेनहमले आफ्नो पक्षमा पार्दा ७ खेल बराबरीमा सकिएको छ । ग सिजन प्रिमियर लिगमा दुवै टोलीले एक खेल आफ्नो पक्षमा पारेको छ ।