एजेन्सी – यूईएफए नेसन्स लिगको समूह चरणको अन्तिम खेलमा आज राति फ्रान्सेली च्याम्पियन पेरिस सेन्ट जर्मेन (पीएसजी) ले घरेलु मैदानमा टर्किस क्लब इस्तानबुल बेसाकसेहिरसँग प्रतिस्पर्धा गर्दैछ । खेल पार्क दि प्रिन्सेस पेरिसमा राति १ः४५ बजे हुनेछ ।

इस्तानबुलमाथि सहज जित निकाल्दै साविकको उपविजेता समेत रहेको पीएसजी नकआउट चरणमा पुग्ने लक्ष्यमा हुनेछ । समूहमा दोस्रो स्थानमा रहेको पीएसजीको ९ अंक छ । शीर्षस्थानमा रहेको म्यानचेस्टर युनाइटेड र तेस्रो स्थानमा रहेको आबरी लाइप्जिगको पनि ९ अंक नै रहँदा यो समूहबाट तीन टोलीमध्ये दुई टोलीले नकआउट चरणमा स्थान बनाउनेछ ।

पीएसजी सहज जित निकाल्दै अर्काे खेलको नतिजामा भर नपर्ने लक्ष्यमा हुनेछ । पीएसजीको बराबरीसँगै अर्काे खेल समेत बराबरीमा सकिएपनि पीएसजीले अघिललो चरणको यात्रा तय गर्नेछ ।

बराबरीकै नतिजाले अर्काे खेलमा म्यानचेस्टर युनाइटेड विजयी भए पीएसजी अघि बढ्नेछ । पीएसजी पराजित भएको खण्डमा युनाइटेड पनि पराजित भए हेड टु हेडमा पीएसजीले अघिल्लो चरणको यात्रा तय गर्दा लाइप्जिग समूह विजेता बन्नेछ ।

पीएसजीसँग नेयमार, केलियन एमबाप्पे, एन्जल डि मारिया, मोएस किन, मार्कााे भेराट्टी, लियान्द्रो डेनियल पारेडेस, डानिलो, लेविन कुर्जावा, प्रेसनेल किमपेम्वे, मार्किन्हस, एलेसान्द्रो फ्लोरेन्जी र गोलरक्षक केलर नाभासजस्ता खेलाडीको साथ रहेको छ ।

यसबाहेक पीएसजीसँग कोलिन डग्वा, एन्डर हेरेरा, थिलो केरहर, इड्रिसा गाना गुआई र राफिन्हाजस्ता खेलाडी पनि रहेको छ । चोटका कारण पाब्लो साराविया, मोउरो इकार्डी र जुवान बर्नाट टोलीमा हुनेछैन ।

यता, समूह चरणबाट बाहिरिसकेको इस्तानबुलको लागि पीएसजीविरुद्धको खेल प्रतिष्ठाको मात्रै खेल हुनेछ । सोही कारण इस्तानबुल पीएसजीविरुद्ध स्वतन्त्र भएर खेल्नेछ ।

यही समुह ‘एच’ को अर्काे खेलमा जर्मन क्लब आरबी लाइप्जिग र इंग्लिस क्लब म्यानचेस्टर युनाइटडेबीच प्रतिस्पर्धा हुनेछ । युनाइटेडलाई नकआउट चरण पार गर्न बराबरी पर्याप्त रहँदा लाइप्जिगलाई निश्चित जितको तथा बराबरीमा रोकिएको अवस्थाको अर्का खेलको नतिजा कुर्नुपर्ने हुन्छ ।