काठमाडौं (हाम्रो खेलकुद) – अखिल नेपाल फुटबल संघ (एन्फा) ले महिला तथा पुरुष राष्ट्रिय फुटबल टोलीका खेलाडीलाई समान तलब दिने निर्णय गरेको छ ।

बिहिबार बसेको एन्फा कार्यसमिति बैठकले महिला र पुरुष दुवै टोलीको तलब वृद्धि गर्दै समान तलब दिने निर्णय गरेको हो । यसअघि एन्फाले पुरुष खेलाडीलाई मासिक १५ हजार तथा महिलालाई मासिक ७ हजार दिँदै आएकोमा अब दुवै टोलीका सदस्यलाई जनही १८ हजार तलब प्रदान गर्ने निर्णय गरेको हो । साथसाथै फिफा रेफ्रीको तलब पनि साविकको ६ हजार बाट बढेर मासिक १० हजार रुपैयाँमा पुगेको छ ।

यस्तै एन्फाले स्थगित भएको बी डिभिजन लिग सुचारु गर्न तथा राष्ट्रिय महिला लिग, प्रदेश लिग, एन्फा प्रेसिडेन्ट लिग, सी डिभिजन लगायत अन्य प्रतियोगिता गर्न पनि राखेपसँग स्वीकृति माग्ने भएको छ । कार्यसमितिले एन्फा कम्प्लेक्समा रहेको कृतिम घाँसे खेल मैदानमा पनि फ्लडलाइट जडान गर्ने निर्णय गरेको छ ।

एन्फा कम्प्लेक्समै रहेको फिटनेस सेन्टरको स्तरोन्नति गर्नुका साथै सोभिनिएर सप निर्माण गर्ने प्रस्ताव पनि पारित भएको छ । यसका लागि दिनेश ब्यन्जनकारलाई संयोजक तोकिएको छ । एन्फाले युवा विकास परियोजना पारित गर्दै एन्फाअन्तर्गतकै विभिन्न विभागहरुको रणनितीक योजना पनि अनुमोदन गरेको छ ।

एन्फाले माघ ६ गते साधारण सभा आयोजना गर्न राष्ट्रिय खेलकुद परिषदमा स्वीकृतीका लागि अनुरोध गर्नेछ । एन्फा क्लब लाइसेन्सिङ लागु गर्न मापदण्डहरु पनि पारित गरिएको छ । जिल्लामा फुटबल प्रशिक्षण केन्द्र स्थापना तथा निर्माण गर्न सम्पूर्ण प्रक्रिया पूरा गरेका १२ जिल्लामा एन्फाले स्थानीय निकायसँग कुल लागतको ५० प्रतिशत साझेदारी गर्ने निर्णय पनि गरेको छ ।

यस्तै कास्कीमा एन्फाले बहुउद्देश्यीय फुटबल प्राविधिक केन्द्र निर्माण गर्ने निर्णय पनि पारित गरेको छ । सँगसँगै फुटसल तथा बीच साकार प्रतियोगिता आयोजना गर्ने र एन्फाको मुद्दती खाता नविकरण गर्ने निर्णय गरिएको छ ।

एन्फाले कास्की जिल्ला फुटबल संघको अध्यक्ष मिलन गुरुङसंग सम्बन्धित विषयमा प्राप्त प्रतिवेदनसहित अनुशासन र कानुन समितिमा राय माग गर्दै पेश गर्ने निर्णय गर्यो । यस्तै एन्फाका पूर्व उपाध्यक्ष ललितकृष्ण श्रेष्ठसँगै पूर्व फुटबल खेलाडी मणि शाहको अर्धकदको शालिक निर्माण गरिने भएको छ ।

यो पनि : प्रशिक्षक कालिनले राजिनामा दिए

कार्यसमितिको निर्णय :