एजेन्सी – यो सिजन उच्च लयमा रहेको इटालियन क्लब एसी मिलान समूह ‘एच’ को विजेता बन्दै युरोपा लिगको नकआउट चरणमा पुग्न सफल भएको छ ।

बिहीबार राति चेक रिपब्लिक क्लब स्पार्टा प्रागमागि १–० को झिनो जित निकाल्दै मिलान समूह विजेता बन्न सफल भएको हो । यही समूहको अर्काे खेलमा शीर्ष होडमा रहेको फ्रान्सेली क्लब लिल स्कटिस क्लब सेल्टिकसँग ३–२ ले पराजित भएपछि मिलान समूह विजेता बनेको हो ।

मिलानले ६ खेलबाट १३ तथा लिलले ११ अंक जोड्यो । स्पार्टा प्रागले ६ तथा सेल्टिकले ४ अंक जोड्यो ।

जेनेराली स्टेडियम प्राहमा बिहीबार राति भएको खेलमा मिलानको साँघुरो जितमा जेन्स पिटर हगले खेलको २३औं मिनेटमा गरेको गोल नै निर्णायक बन्यो । ७७औं मिनेटमा घरेलु टोली स्पार्टा प्राग १० खेलाडमिा समेटिएको थियो । डोमिनिक प्लेचाटी सिधै रातो कार्ड खाँदै मैदानबाट बाहिरिएका थिए ।

युरोपा लिगको नतिजा

समूह ‘ए’ – पीएफसी सोफियाविरुद्ध रोमा (३–१), योङ ब्वाइजविरुद्ध सिएफआर क्लज (२–१)

समूह ‘बी’ – डुन्डाल्कविरुद्ध आर्सनल (२–४), रापिड वेनविरुद्ध मोल्दे (२–२)

समूह ‘सी’ – बायर लिभरकुसनविरुद्ध स्लाभिया प्राग (४–०), हापोइल विरविरुद्ध निस (१–०)

समूह ‘डी’ – लेच पोज्नानविरुद्ध रेन्जर्स (०–२), स्टान्डर्ड लिगविरुद्ध बेन्फिका (२–२)

समूह ‘ई’ – पाओकविरुद्ध ग्रानडा (०–०), आइन्डोभेनविरुद्ध ओमोनिया निकोसिया (४–०)

समूह ‘एफ’ – नेपोलीविरुद्ध रियल सोसिडाड (१–१), रिजेकाविरुद्ध एजेट अल्कामार (२–१)

समूह ‘जी’ – ब्रागाविरुद्ध जोर्या (२–०), लेस्टर सिटीविरुद्ध एइके एथेन्स (२–०)

समूह ‘एच’ – सेल्टिकविरुद्ध लिल (३–२), स्पार्टा प्रागविरुद्ध मिलान (०–१)

समूह ‘आई’ – माकावी टेल एभिभविरुद्ध सिभास्पोर (१–०)

समूह ‘जे’ – टोटेनहमविरुद्ध रोयल एन्टवेर्प (२–०), लुडोगारेट्स राजग्राडविरुद्ध लास्क (१–३)

समूह ‘के’ – डेनामो जाग्रिवविरुद्ध सिएसकेए मस्को (३–१), वल्सवर्गविरुद्ध फियोनुर्ड (१–०)

समूह ‘एल’ – होफेनहाइनविरुद्ध जेन्ट (४–१), स्लोभानविरुद्ध एफके क्रेभेना जेभेज्दा (०–०)