एजेन्सी – युभेन्ट्सले लगातार ९ पटक इटालियन सिरि ए जितिसकेको छ । लगातार १० औं पटक जित्ने अभियानमा अहिले सम्म हेर्दा भने केहि धक्का लागेको छ । युभेन्ट्स एसी मिलान भन्दा ७ अंक, इन्टर भन्दा ६ अंकले पछाडि छ ।

नेपोली र रोमासँग भने टोलीको अंक बराबरी छ ।अहिलेको अवस्था हेर्दा आन्द्रिए पिर्लोको टोलीका लागि उपाधि जित्न कठिन हुने देखिएको छ । त्यसका केहि कारण यस्ता छन् ।

कमजोर फिनिसिङ

युभेन्ट्सले यो सिजन १३ गोलमा २५ गोल गरेका छ । तर टोली जसरी स्कोरिङका लागि परिचित थियो, त्यस्तो यो सिजन देखिएको छैन । त्यसमा मुख्यत अल्भारो मोराटा र क्रिस्टियानो रोनाल्डो नै त्यसका मुख्य दोषी देखिन्छन् ।

रक्षापंक्तिको गल्ति

लियोनार्दो बोनुची र म्याथिज डे लिग्टको नेतृत्वमा रहेको रक्षापक्तिले आफ्नो भुमिकामा न्याय गर्न सकेको छैन । उनीहरुले अपेक्षा अनुसार प्रदर्शन गर्न सकिरहेका छैनन् । चर्को मुल्य खर्च गरिएका खेलाडीले आफ्नो प्रदर्शनबाट त्यसको पुष्टी गर्न सकेका थिएनन् । अनुभवी मानिएका खेलाडीबाट अपेक्षा अनुसारको प्रदर्शन नहुँदा टोलीमाथि स्वभाविक रुपमा दबाब पर्छ नै ।

रोनाल्डोको अपर्याप्त प्रदर्शन

युभेन्ट्समा अहिले पनि रोनाल्डो मुख्य खेलाडी हुन् । उनले गोल नगरेको खेलमा टोली दबाबमा रहन्छ । अझ उनी खेलेकै छैनन् भने दबाब झनै बढी हुने गरेको छ ।

कम प्रभावी पिर्लो

पिर्लोले सिनियर टोली हेरेको धेरै समय भएको छैन । तर, उनले प्रशिक्षकका रुपमा प्रभाव पार्न सकेका छ्रनन् । आफ्नो समयमा उत्कृष्ट खेलाडीबाट प्रशिक्षकका रुपमा पनि त्यस्तै अपेक्षा गरिएको हुन्छ नै । यसअघि लगातार ९ पटक सिरि ए जितेको टोली यसपटक उपाधि विहिन भएको खण्डमा त्यसको सबैभन्दा बढी दोष उनीमाथि नै जानेछ ।

भूमिकाको खोजीमा डेबाला

अर्जेन्टिनी फरवार्ड अहिले पनि युभेन्ट्समा छायाँमा छन् । यो सिजन उनले ८ खेलमा मात्र मौका पाएका छन् । उनलाई ठूलो भूमिका दिन पिर्लो अझै तयार देखिदैनन् । ठूला खेलमा त छन् उनले कमै मौका पाउने गरेका छन् ।

त्यसमध्ये मंगलबार फ्लोरेन्टिनाविरुद्ध उनी खेल्न पाएनन् । जुन खेलमा युभेन्ट्स पराजित भएको थियो । उनीलाई किन पिर्लोले प्रयोग गरिरहेका छैनन् भन्नेमा धेरै आश्चार्यमा परेका छन् ।

अपराजित मिलान
अपराजित मिलानले लगातार एकरुपताको प्रदर्शन गरेको छ । जसले टोलीको मनोबल थप उच्च भइरहेको छ । युभेन्ट्सको प्रदर्शन भने एकरुपताको छैन ।