एजेन्सी – विस्तृत परिक्षणबाट अर्जेन्टिनी महान खेलाडी स्वर्गिय डिएगो म्याराडोनाको शरीरमा लागु औषध र मादक पदार्थको नपाइएको बताइएको छ । तर, मृत्युको केहि घन्टा अघि उनले निकै दुखाई महसुस गरेको परिक्षणबाट थाहा भएको छ ।

परिक्षणबाट उनले मृत्य अघिको छ देखि आठ घन्टा निकै यातना महसुस गरेको उल्लेख गरिएको छ । यसले अन्तिम समयमा उनलाई हेर्ने विशेषज्ञहरुलाई विवादमा तानेको छ । शारीरिक र मानसिक उपचारका क्रममा उनलाई केवल औषधी मात्र प्रयोग गरिएको देखिएको बताइएको छ । उनलाई प्रयोग गरिएको औषधी उदासीनका थिए ।

ती औधरी मदिरा निर्भरता र पेटको समस्याको उपचारका क्रममा प्रयोग गरिएको बताइएको छ । परिक्षण रिपोर्टका अनुसार म्याराडोनाको मृगौला, फोक्सो र कलोजोमा समस्या थियो । नेपोलीका पूर्व महान खेलाडी म्याराडोनाको अर्जेन्टिनाको ब्युनर्स आयार्समा गत महिना मृत्यु भएको थियो । त्यसअघि नोभेम्बरमा उनको मस्तिष्कको शल्यक्रिया गरिएको थियो ।

प्रहरीले उनको नजिक रहेर स्वास्थ्य अवस्था र मानसिक अवस्थाबारे हेरचाह गरिरहेका व्यक्तिहरुसँग सोधपुछ गरेको थियो । म्याराडोनाको व्यक्तिगत डाक्टरको कार्यालयमा समेत प्रहरीले खानतलासी गरेको थियो । उनको आर्थिक हिसाबकिताबमा हिनामिना तथा हेरचाह राम्रो नभएको आरोप परिवारले लगाएको छ ।