एजेन्सी – सेफिल्ड युनाइटेडमाथि १–० को झिनो जित निकाल्दै एभर्टन इंग्लिस प्रिमियर लिगको दोस्रो स्थानमा उक्लिएको छ ।

एभर्टनले लेस्टर सिटी र म्यानचेस्ट युनाइटेडलाई पछि पार्दै दोस्रो थानमा उक्लिएको हो । शनिबार राति लेस्टर र युनाइटेडले २–२ गोलको बराबरी खेलेको फाइदा एभर्टनले उठाउन सफल भयो ।

एभर्टनको १५ खेलबाट २९ अंक पुगेको छ । एक खेल कम खेलेको शीर्षस्थानको लिभरपुलको ३१ तथा तेस्रो र चौथौ स्थानको लेस्टर र युनाइटेडको २८ र २७ अंक छ । पराजित सेफिल्ड २ अंकसहित पुछारमा छ ।

निकै नै प्रतिस्पर्धात्मक बनेको खेलको खेल सकिन १० मिनेट बाँकी रहँदा कप्तान गिल्फी सिगुर्डसनले गरेको गोल नै एभर्टको जितमा निर्णायक बन्यो । उनले एब्लुलाए डोउकाउरेको पासमा गोल गरेका थिए ।

त्यसअघि खेलको १६औं मिनेटमा घरेलु टोली म्याकगोल्डरिकको प्रहारलाई गुडफ्रेले गोललाईनबाट बचाउदा सेफिल्डको अग्रता टरेको थियो । ४१औं मिनेटमा सिगुर्डसनको प्रहार पोस्टनजिकैबाट बाहिरियो । इन्ज्युरी समयका गोलरक्षक जोर्डन पिकफोर्डको गल्तीमा म्याकब्रुनले अवसर पाएपनि सदुपयोग गर्न नसक्दा पराजित हुन पुग्यो ।

अन्य नतिजा
एस्टन भिल्लाविरुद्ध क्रिस्टल प्यालेस (३–०), फुलहमविरुद्ध साउथह्याम्टन (०–०), आर्सनलविरुद्ध चेल्सी (३–१), म्यानचेस्टर सिटीविरुद्ध न्युक्यासल (२–०)