काठमाडौं (हाम्रो खेलकुद)– सताक्षीधाम स्पोर्टिङ क्लब झापा मोरङ बेलबारीमा जारी टुबोर्ग संजोग स्मृति नकआउट फुटबल प्रतियोगिताको सेमिफाइनलमा पुगेको छ । बेलबारी फुटबल क्लब रातोलाई ३–० ले हराउँदै सताक्षीधाम अन्तिम चारमा पुगेको हो ।

सताक्षीको जितमा शिशिर लेखीले २ तथा मनीष थापाले १ गोल गरेका थिए । सबै गोल दोस्रो हाफमा सम्भव भएको थियो । शिशिरले ६२ औं मिनेटमा पहिलो र ७० औं मिनेटमा दास्रो गोल गरिएको थियो । निर्धारित ८० मिनेट खेलको इन्जुरी समयको दोस्रो मिनेटमा मनीषले गोल गरेका थिए । खेलको म्यान अफ दि म्याच घोषित शिशिरले मेडलसहित २ सय ५ सय ५५ रुपैयाँ प्राप्त गरे ।

खेलमा सताक्षीका विशाल दर्जी तथा बेलबारीका भुषण लिम्बु र निरज बस्नेतले पहेलो कार्डको सामना गरेका थिए । प्रतियोगिताको पहिलो सेमिफाइनलमा मोरङको रारा फुटबल क्लब राजाधानी र मोरङको बिन्दबासिनी फुटबल क्लबबीच प्रतिस्पर्धा हुने आयोजकले जनाएको छ ।

बेलबारी फुटबल क्लबले आयोजना गरेको प्रतियोगितालाई बेलबारी नगरापालिकाले संयोजन गरेको छ । टुबोर्ग मुख्य प्रायोजन रहेको प्रतियोगितामा सन्ध्या सारा युपिभिसी प्रोफाइल प्रालि प्रायोजक तथा मोरङ कन्ट्रसन प्रालि, सयपत्री मल्टी पर्पोज प्रालि र आदर्श बहुउद्देश्य कृषि फर्म सह प्रयोजक रहेका छन् । प्रतियोगितामा १० टोलीको सहभागिता रहेको छ ।