एजेन्सी – स्टार फरावर्डद्धय केलियन एमबाप्पे र नेयमार जुनियरसँगै मोउरो इकार्डीले गोल गरेपछि पेरिस सेन्ट जर्मेन (पीएसजी) ले फ्रेन्च लिग वानमा सानदार जित निकालेको छ ।

घरेलु मैदानमा शुक्रबार राति भएको खेलमा पीएसजीले १० खेलाडीमा समेटिएको मोन्टपिलिएरमाथि ४–० को फराकिलो जित निकालेको हो । पीएसजीको जितमा एमबाप्पेले २ गोल गर्दा नेयमार र मोउरो इकार्डीले समान १ गोल गरे ।

पार्स डेस प्रिन्सेसमा शुक्रबार राति भएको खेलमा पाहुना टोली खेलको १८औं मिनेटमा १० खेलाडीमा समेटिएपछि त्यसको फाइदा घरेलु टोली पीएसजीले उठाउन सफल भयो । गोलरक्षक जोनस ओम्लिनले एमबाप्पेमाथि फल गरेपछि रेफ्रीले भिएआरको सहायता लिदै उनलाइै सिधै रातो कार्ड दिदै मैदान बाहिर पठाएको थियो ।

३४औं मिनेटमा एमबाप्पेले एन्जल डि मारियाको पासमा गोल गर्द खेलमा पीएसजीलाई १–० ले अघि बढाए । दोस्रो हाफमा पीएसजीले चार मिनेटमा अन्तरमा तीन गोल गर्दै फराकिलो जित निकाल्न सफल भयो ।

६०औं मिनेटमा एमबाप्पेको पासमा नेयमारले गोल गर्दै पीएसजीको अग्रता दोब्बर पारे । ६१औं मिनेटमा मोउरो इकार्डीले गोल गर्दै पीएसजीलाई फराकिलो जिततर्फ अघि बढाए । ६३औं मिनेटमा इकार्डीको पासमा एमबाप्पेले व्यक्तिगत दोस्रो तथा टोलीका लागि चौथो गोल गर्दै पीएसजीलाई ४–० को फराकिलो जित दिलाए ।

यस जितसँगै पीएसजीले शीर्षस्थानमा ३ अंकको अग्रता लिएको छ । पीएसजीको २१ खेलबाट ४५ अंक पुगेको छ । एक खेल कम खेलेको दोस्रो स्थानको लिलको ४२ तथा पराजित मोन्टपिलिएर २८ अंक जोडेर ११औं स्थानमा छ ।