एजेन्सी – इंग्लिस प्रिमियर लिगमा आज राति विभिन्न ६ खेलमा प्रतिस्पर्धा हुदैछ । आर्सनलले घरेलु मैदानमा म्यानचेस्टर युनाइटेडको सामना गर्दा म्यानचेस्टर सिटीले पनि आज राति नै सेफिल्ड युनाइटेडसँग खेल्दैछ ।

आर्सनल र युनाइटेडबीचको खेलमा इमिरेट्स स्टेडियममा नेपाली समयअनुसार राति ११ः१५ बजे हुनेछ । घरेलु मैदानमा आर्सनल युनाइटेडलाई हराउदै अंक तालिका सुधार गर्ने दाउमा हुनेछ । आर्सनल २० खेलबाट ३० अंक जोडेर नवौं स्थानमा रहेको छ ।

टोलीसँग एलेसान्द्रो लाकाजेट, निकोलस पेपे, विलियन, बुकायो साका, ग्रानिट झाँका, मोहमेद इलाने, डेभिड लुइस, सेडरिका सोआरेस, रोब होल्डिङ, हेक्टर बर्लिन र गोलरक्षक बन्ड लेनोको साथ रहेको छ । यस्तै टोलीसँग पिएरे इमरिक औवामियाङ पनि रहँदा ड्यानियल सेवालोस र पाब्लो मारीले चोटका कारण खेल्ने सम्भावना न्युन रहेको छ ।

यता, युनाइटेड पनि आर्सनललाई उसकै मैदानमा स्तब्ध पार्दै शीर्षस्थानको म्यानचेस्टर सिटीलाई दवाव बढाउने लक्ष्मा हुनेछ । दोस्रो स्थानमा रहेको युनाइटेडको २० खेलबाट ४० अंक रहेको छ । शीर्षस्थानको म्यानचेस्टर सिटीको १९ खेलबाट ४१ अंक छ । आज राति सिटीले सेफिल्डसँग पराजित भएको अवस्थामा आर्सनललाई हराउन सके युनाइटेड शीर्षस्थानमा उक्लनेछ ।

टोलीसँग एन्थोनी मार्सियल, पल पोग्वा, ब्रुनो फर्नान्डेस, मार्कुस रासफोर्ड, लुका सा, ह्यारी मिगुएर इरिक बेइली, आरोन वान बिशाखा र गोलरक्षक डेभिड हे गेयाको साथ रहेको छ ।

यि दुई टोलीबीचको पछिल्लो २४ खेलको नतिजामा युनाइटेडले ११ खेल आफ्नो पक्षमा पारेको छ । ७ खेल आर्सनले आफ्नो पक्षमा पार्दा ६ खेल बराबरीमा सकिएको छ ।

पछिल्लो चार खेलमा आर्सनलले युनाइटेडसँग हार बेहोरेको छैन । जसमा ३ जित र एक बराबरीको नतिजा छ । आर्सनल सोही लयलाई निरन्तरता दिने दाउमा रहँदा युनाइटेड आर्सनलसँगको हारको यात्रालाई टुंग्याउन लक्ष्यमा हुनेछ ।

अन्य खेल
एभर्टनविरुद्ध न्युक्यासल (राति ६ः१५ बजे), क्रिस्टल प्यालेसविरुद्ध वल्भ्स (राति ८ः४५ बजे), म्यानचेस्टर सिटीविरुद्ध सेफिल्ड युनाइटेड (राति ८ः४५ बजे), वेस्ट ब्रमविरुद्ध फुलहम (राति ८ः४५ बजे), साउथह्याम्टनविरुद्ध एस्टन भिल्ला (राति १ः४५ बजे)