एजेन्सी – लिओनल मेस्सी र बार्सिलोनाबीचको सम्झौतालाई स्पेनिस पत्रिकाले सर्वाजनिक गरेको छ । सम्झौता अनुसार यो सिजनको अन्त्यसम्म क्लबमा रहँदा उनले ५ सय ५५ मिलियन युरो पाउनेछन् ।

मेस्सी आफ्नो व्यक्तिगत विषयमा यसरी सार्वजनिक गर्न कहिल्यै रुचाएनन् । तर, पछिल्लो उनको कमाईका बारेमा सार्वजनिक भएसँगै क्याप नोउमा उनी अर्को सिजन पनि रहने विषयलाई भने कमजोर बनाएको अनुमान गरिएको छ ।

क्लबसँग निकै गोप्य रहने यस विषय बाहिर आउनुले क्लब र खेलाडीबीच सम्बन्ध राम्रो नरहेको बुझिन्छ । यद्यपि सूचना चुहावट भएसँगै क्लबले विज्ञप्ति जारि गर्दै यसमा क्लबको कमजोरी नरहेको प्रष्ट पारेको छ ।

मेस्सीको आर्थिक विवरणबारे सार्वजनिक रुपमा समाचार आएपछि क्लबसँग उनको सम्बन्ध थप चिसिने सम्भावना बढेको छ । मेस्सीले अघिल्लो सिजनको अन्त्यमा क्लब छाड्न चाहेका थिए । तर, तत्कालिन अध्यक्ष जोसेप मारिया बोर्टेमेउले रिलिज क्लब तिर्न कुनै क्लब तयार भए मात्र मेस्सीलाई छाड्ने बताएका थिए ।

थप विवादमा जान अनिच्छा देखाउँदै मेस्सी सम्झौता अवधिभर क्लबमै रहन तयार भएका थिए । अहिले पनि मेस्सी जुनसुकै क्लबसँग पनि छलफल अघि बढाउन स्वतन्त्र छन् । बार्सिलोनासँगको उनको हालको सम्झौता जुन ३० मा सकिनेछ ।

बोर्टेमेउ अहिले बार्सिलोनामा छैनन् । अर्का अध्यक्ष चुनिएर आउँदा सम्म मेस्सीले क्लब छाड्ने वा अरु कुनै निर्णय लिन सक्ने सम्भावना छ । त्यसयता क्लबको वातावरणमा पनि परिवर्तन आएको छ । टोलीका मेस्सीलगायत सबैको पारिश्रमिक घट्ने सम्भावना छ ।

कोभिडका कारण क्लबको आर्थिक अवस्था कमजोर भएको छ । तर, बोर्टेमेउको कमजोर व्यवस्थापनका कारण क्लबले खराब समयबाट गुज्रनुपरेको बताइएको छ । अब मेस्सीको आर्थिक विषय सार्वजनिक भइसकेको छ । जसले उनको ठूलो पारिश्रमिकलाई क्लबले धान्न सक्छ सक्दैन भन्ने विषयमा पनि चर्चा सुरु हुनेछ । तर, उनकै कारण टोलीले हरेक वर्ष थ्रुपै प्रायोजकहरु पाइरहेको छ ।

बार्सिलोनका सुपर स्टारले आउने केहि महिनामा निर्णय पक्कै लिनेछन् । तर, पछिल्लो घटनाले क्लब र उनीबीचको चिसोपनलाई थप बढाउन सक्नेछ । आउने दिन क्लबको अध्यक्षमा को चुनिएर आउनेछ त्यसले पनि उनी क्लबमै रहने वा छाड्ने तय हुने अनुमान गरिएको छ ।