एजेन्सी – इंग्लिस प्रिमियर लिगमा मर्सिसाइड क्लब लिभरपुलले खराव प्रदर्शनलाई निरन्तरता दिदा घरेलु मैदानमा ब्राइटनसँग १–० ले स्तब्ध बनेको छ ।

लिभपुललाई स्तब्ध पार्न ब्राइटनका स्टेभेन एल्जेटले दोस्रो हाफमा गरेको गोल नै निर्णायक बन्यो ।एनफिल्डमा बुधबार राति भएको खेलमा घरेलु टोलीले बल पोसेसनमा बलियो पकड बनाएपनि अग्रपङ्ति फिनिसिङमा चुक्दा स्तब्ध बन्न पुग्यो ।

खेलको तेस्रो मिनेटमा नै कप्तान जोर्डन हेन्डरसनको पासमा मोहम्मद सलाह चुके । २४औं मिनेटमा मोउपे र बर्नको समन्वयमा बनेको मुभमा ब्राइटनले गोल गर्न सकेन ।

५३औं मिनेटमा रोबर्टाे फिर्मिनोको प्रहार पोस्ट नजिकैबाट बाहिरिदा लिभरपुल अग्रता लिनबाट चुक्यो । ५६औं मिनेटमा स्टेभेन एल्जेटले लियान्द्रो ट्रोसार्डको पासमा गोल गर्दै ब्राइटनलाई १–० को अग्रता दिलाए । ७०औं मिनेटमा लिभरपुल बराबरीबाट चुक्यो । त्यसपछि थप गोल निस्कन नसक्दा लिभरपुल स्तब्ध बन्न पुग्यो ।

यो हारसँगै लिभरपुलको उपाधि यात्रा कमजोर बनेको छ । लिभरपुल २२ खेलबाट ४० अंक जोडेर चौथो स्थानमा झरेको छ । लिभरपुल शीर्षस्थानको म्यानचेस्टर सिटीसँग ७ अंकले पछि परेको छ । ब्राइटन २४ अंक जोडेर १५औं स्थानमा उक्लिएको छ ।

अन्य नजिता
बर्नलेविरुद्ध म्यानचेस्टर सिटी (०–२), फुलहमविरुद्ध लेस्टर सिटी (०–२), लिड्सविरुद्ध एभर्टन (१–२), एस्टन भिल्लाविरुद्ध वेस्ट ह्याम (१–३)