एजेन्सी – कतार विश्वकप २०२२ को युरोपियन छनोटमा पोर्चुगलले कठिन जित निकाल्दा फ्रान्स बराबरीमा रोकिएको छ । एलिएन्ज एरिना टोरिनोमा बुधबार राति भएको खेलमा पोर्चुगलले अजरवैजानमाथि १–० को कठिन जित निकालेको हो ।

पहिलो हाफमा माक्सिम मेडभेडेवको आत्मघाती गोल नै पोर्चुगलको जितमा निर्णायक बन्यो । खेलको सुरुवातदेखि नै पोर्चुगलले अजरवौनलाई बल पोसेसनमा दवाव बढाएपनि गोल गर्न निकै संघर्ष गर्नुपरेको थियो । अजरवैजानका गोलरक्षक साखरुद्धिन मागोमेडालिएभले पोर्चुगलका प्रहारलाई विफल पारेका थिए । तर ३६औं मिनेटमा आत्मघाती गोल खान पुगेको थियो ।

दोस्रो हाफमा पनि पोर्चुगलले अजरवैजानलाई दवावमा राखेपनि थप गोल गर्न नसक्दा पहिलो हाफमा आत्मघाती गोल नै पोर्चुगलको जितमा निर्णायक बन्यो ।

यही समूह ‘ए’ को अर्काे खेलमा सर्वियाले आयरल्यान्डमाथि ३–२ को पूनरागमन जित निकालेको छ । सर्वियाको जितमा एलेक्सान्डर मिट्रा्भिकले दुई तथा डुसान भ्लाहोभिकले एक गोल गरे । आयरल्यान्डका एलान ब्रोनी र जेम्स कोलिन्सले गोल फर्काए ।

यो नतिजापछि समूह ‘ए’ मा सर्विया ३ अंक जोडेर शीर्षस्थानमा रहेको छ । समान ३ अंक भएपनि गोल अन्तरमा पोर्चुगल दोस्रो स्थानमा रहेको छ । एक खेल पनि नखेलेको लक्जेमवर्ग तेस्रो, आयरल्यान्ड चौथो तथा अजरवैजान पाँचौ स्थानमा रहेको छ ।

अर्काे खेलमा अग्रता जोगाउन नसक्दा फ्रान्स युक्रेनसँग १–१ गोलको बराबरीमा रोकिएको छ । घरेलु मैदानमा बुधबार राति भएको खेलमा एन्टोइन ग्रिजमनको गोलबाट फ्रान्सले अग्रता लिएको थियो । ५७औं मिनेटमा प्रेसनेल किमपेम्वेले आत्मघाती गोल गरेपछि फ्रान्स बराबरीमा रोकिन बाध्य बनेको थियो ।

यही समूह ‘डी’ को अर्काे खेलमा बोस्निया एन्ड हर्जगोभिना र फिनल्यान्डले २–२ गोलको बराबरी खेल्दै अंक बाडेका छन् । बोस्नियाका मिरालेम प्यानिच र मिरोस्लाभ स्टेभानोभिले गोल गरे । फिनल्यान्डका दुवै गोल टिमु पुक्कीले गरे ।

यो नजिजा पछि समूह ‘डी’ मा चार टोलीको समान १ अंक भएपनि बोस्निया, फिनल्यान्ड, युक्रेन र फ्रान्स क्रमश शीर्षचारमा रहेका छ । काजकस्तान पुछारमा छ ।

अन्य नजिता
समूह ‘ए’ – पोर्चुगलविरुद्ध अजरवैजान (१–०), सर्वियाविरुद्ध आयरल्यान्ड (३–२)
समूह ‘डी’ – फिनल्यान्डविरुद्ध बोस्निया (२–२), फ्रान्सविरुद्ध युक्रेन (१–१)
समुह ‘ई’ – बेल्जियमविरुद्ध वेल्स (३–१), इस्टोनियाविरुद्ध चेक रिपब्लिक (२–६)
समूह ‘जी’ – टर्कीविरुद्ध नेदरल्यान्ड्स (४–२), लात्भियाविरुद्ध मोन्टेनेग्रो (१–२), जिब्राल्टारविरुद्ध नर्वे (०–३),
समूह ‘एच’ – साइप्रसविरुद्ध स्लोभाकिया (०–०) माल्टाविरुद्ध रसिया (१–३), स्लोभेनियाविरुद्ध क्रोएसिया (१–०)