एजेन्सी – कतार विश्वकप २०२२ को युरोपियन छनोटमा आज राति पहिलो राउन्डको विभिन्न १३ खेलमा प्रतिस्पर्धा हुँदैछ ।

जर्मनीले घरेलु मैदानमा आइसल्यान्डको आतिथ्यता गर्दा इंग्ल्यान्ड, इटाली, स्पेन र पोल्यान्डले पनि आ–आफ्नो प्रतिद्धन्द्धीको सामना गर्दैछ । खेलहरु राति १०:४५ बजे र १:३० बजे हुनेछ । जर्मनी र आइसल्यान्डबीचको खेल डुइसवर्गमा राति १:३० बजे हुनेछ ।

युवा खेलाडीको भरिएको जर्मनी आइसल्यान्डलाई हराउँदै छनोटमा सुखद सुरुवात गर्ने लक्ष्यमा मैदानमा उत्रनेछ । टोलीसँग अनुभवी गोलरक्षक तथा कप्तान म्यानुयल नोएरसँगै इल्केए गुन्डोगान, सर्ज जिनाब्री, लियोन गोरेट्जका, लिरोए साने, म्याथियस जिन्टर, निकलस सुल, एन्टेनियो रुडिगर, फिलिप म्याक्स, लिरोए साने र टिमो वेर्नरको साथ रहेको छ । योसुवा किम्मिख, काई हाभर्टज र रोविन गोसेन्स टोलीमा रहँदा चोटका कारण मिडफिल्डर टोनी क्रुस टोलीबाट बाहिरिएका छन् ।

यता, आइसल्यान्ड पनि जर्मनीलाई स्तब्ध पार्दै सुखद सुरुवात गर्ने दाउमा हुनेछ । टोलीसँग कोल्वीइन सिगुर्डसन, विजोन सिगुर्डसन, भिक्टर पाल्सन र गिल्फी सिगुर्डसनजस्ता खेलाडीको साथ रहेको छ । यि दुई टोली कुनै पनि प्रतियोगितामा पहिलोपटक भिड्न लागेका हुन् ।

अन्य खेल :

बुल्गेरियाविरुद्ध स्वीट्जरल्यान्ड (राति १०:४५ बजे)

इजरायलविरुद्ध डेनमार्क (राति १०:४५ बजे)

एन्डोराविरुद्ध अल्वानिया (राति १:३० बजे)

इंग्ल्यान्डविरुद्ध सान मारिनो (राति १:३० बजे)

जर्मनीविरुद्ध आइसल्यान्ड (राति १:३० बजे)

हंगेरीविरुद्ध पोल्यान्ड (राति १:३० बजे)

इटालीविरुद्ध नर्दन आयरल्यान्ड (राति १:३० बजे)

लिचेस्टाइनविरुद्ध अर्मेनिया (राति १:३० बजे)

मोल्दोभाविरुद्ध फारोइ आयरल्यान्ड (राति १:३० बजे)

रोमानियापिरुद्ध नर्थ म्यासेडोनिया (राति १:३० बजे)

स्कटल्यान्डविरुद्ध अष्ट्रिया (राति १:३० बजे)

स्पेनविरुद्धविरुद्ध ग्रीस (राति १:३० बजे)

स्वीडेनविरुद्ध जर्जिया (राति १:३० बजे)