3 years ago
April 11, 2021
एजेन्सी – स्पेनिस ‘एल क्लासिको’ मा बार्सिलोनालाई सहजै पाखा लगाउँदै स्पेनिस महारथी रियल म्याड्रिड स्पेनिस ला लिगाको शीर्षस्थानमा उक्लिन सफल भएको छ ।
क्याटलान क्लब बार्सिलोनालाई २–१ ले पराजित गरेपछि रियलले एट्लेटिको म्याड्रिड र बार्सिलोनालाई पछि पार्दै ला लिगाको शीर्षस्थानमा उक्लन सफल भएको हो । शीर्षस्थानमा उक्लिएको रियलको ३० खेलबाट ६६ अंक पुगेको छ । समान ६६ अंक भएपनि हेड टु हेडमा रियलले एट्लेटिकोलाई पछि पारेको हो । एट्लेटिकोले एक खेल कम खेलेको छ । पराजित बार्सिलोना ६५ अंक जोडेर तेस्रो स्थानमा झरेको छ ।
घरेलु मैदान अल्फ्रेडो डि स्टेफानोमा शनिबार राति भएको खेलमा रियलको जितमा कप्तान करिम बेन्जेमा र टोनी क्रुसले गोल गर्दा पाहुना टोली बार्सिलोनाका ओस्कार मिगुएजाले एक गोल फर्काए । यो जितसँगै रियलले सन् २०१३ पछि पहिलोपटक एकै सिजनको एल क्लासिको आफ्नो पक्षमा पारेको छ । २०१३ को क्लासिकोको दुवै रियलले आफ्नो पक्षमा पारेको थियो । यो सिजनको क्लासिको रियलले ३–१ ले जितेको थियो ।
खेलको १३औं मिनेटमा कप्तान करिम बेन्जेमाको गोलबाट रियलले अग्रता लिएको थियो । फेडे भाल्भेर्डेको पासमा लुकास भास्क्वेजले क्रस गरेको बललाई बेन्जेमाले ब्याकहिलबाट गोल गर्दा बार्सिलोनाका रक्षक ओस्कार मिगुएजा र गोलरक्षक मार्क आन्दर टेर स्टेगनले रोक्ने कुनै अवसर नै पाएन । २८औं मिनेटमा रियलले टोनी क्रुसको गोलबाट अग्रता दोब्बर बनायो ।
भिनिसियस जुनियरलाई पेनाल्टी बक्सबाहिर सर्जिनो डेस्टले लडाएपछि प्राप्त फ्रिकिकमा टोनी क्रुसको प्रहार सर्जिनोलाई डिफ्लेक्ट हुदै गोलमा परिणत हुदा गोललाईनमा रहेको जोडी अल्वाले बचाउने प्रयास गरेपनि सफल हुन सकेन । ३४औं मिनेटमा फेडे भाल्भर्डेको प्रहार पोस्टमा लागेर फर्कदा आएको रिवाउन्डमा लुकास भास्क्वेजको प्रहारलाई गोलरक्षक मार्क आन्दर टेर स्टेगनले सहजै नियन्त्रणमा लिन सफल भए ।
४१औं मिनेटमा बार्सिलोनाका कप्तान लियोनेल मेस्सीको प्रहारलाई लुकास भास्क्वेजले ब्लक गरिदिए । पहिलो हाफको इन्ज्युरी बार्सिलोनाको दुई प्रयास सफल हुन सकेन । ६०औं मिनेटमा ओस्कार मिगुएजाले गोल गर्दै बार्सिलोनालाई खेलमा फर्काउने संकेत दिए । उनेल जोर्डी अल्वाको पासलाई सदुपयोग गरेका थिए । ६२औं मिनेटमा भिनिसिय जुनियर चुके । ६६औं मिनेटमा लुका मोड्रिचबाट आएको पासलाइ भिनिसियस जुनिएलाई मिलाइदिएको पासलाई बेन्जेमाले भेट्न सकेन ।
खेलको इन्ज्युरी समयमा रियल १० खेलाडीमा समेटिएको थियो । आक्रामक मिडफिल्डर क्यासमिरो एक मिनेटको अन्तरमा दोहोरो पहेँलो कार्ड खादै मैदानबाट बाहिरिएका थिए । उनले पहिलोपटक मेस्सीलाई फल गर्दा दोस्रो पटक ओस्कार मिगुएजालाई फल गर्न पुगेका थिए ।
त्यसपछि थप गोल निस्कन नसक्दा रियल विजयी हुन सफल भयो ।
May 7, 2024
एजेन्सी – म्यानचेस्टर युनाइटेडले इंग्लिस प्रिमियर लिगमा लज्जास्पद हार बेहोरेको छ । युनाइटेडले घरेलु टोली क्रिस्टल प्यालेससँग ४–० को लज्जास्पद हार बेहोरेको हो । युनाइटेडलाई लज्जास्पद हार चखाउन माइकल ओलिसेले दुई तथा जिन फिलिप माटेटा र टेरिक मिट्चेलले समान एक गोल गरे । यससँगै क्रिस्टल प्यालेसले यो सिजनको प्रिमियर लिगको दुवै खेलमा युनाइटेडलाई हराउन सफल […]
May 6, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत सोमबार भएका खेलमा खालीबारी युथ एफसी र रानीवन स्पोर्ट्स क्लब विजयी भएका छन् । एन्फा कम्प्लेक्समा भएको दिनको पहिलो खलमा खालीबारीले पुल्चोक स्पोर्ट्स क्लब माथि १-० को जित दर्ता गरेको हो । खालीबारीको जितमा मार्वल सुनुवारले २७औं मिनेटमा खेलको एकमात्र गोल गरे । जित पछि […]
May 6, 2024
सुबास हुमागाईं, काठमाडौं अखिल नेपाल फुटबल संघ (एन्फा) को विधान पल्टाउने हो भने संघको उद्देश्यको पहिलो बुँदामै फुटबल खेलको निरन्तर सुधार गर्ने तथा स्वच्छ खेल र आपसी एकताका कार्यक्रम प्रवर्द्धन गर्ने उल्लेख गरिएको छ । तर संघको वर्तमान कार्यशैली हेर्दा न खेलको सुधारमा ध्यान देखिन्छ न त आपसी एकता नै । विगत केही वर्षयता गुटको […]