एजेन्सी – युरोपियन फुटबलमा ट्रान्सफर विन्डो नजिकिँदै गर्दा बोरुसिया डर्टमन्डका इर्लिङ हालान्ड कता जान्छन् भन्ने विषयमा चर्चा हुने गर्दछ । उच्च प्रदर्शन गरिरहेका उनीमाथि रियल म्याड्रिड र बार्सिलोनाले चासो राखेको यसअघि पनि पटक पटक सर्वजनिक भएको थियो ।

तर, डर्टमुन्डका प्रमुख कार्यकारी अधिकृत (सिइओ) हान्स जोचिम वाट्ज्केले क्लब र खेलाडी दुवैलाई उनी विक्रीमा नरहेको राम्ररी थाहा भएको बताएका छन् । ‘म पूर्ण रुपमा विश्वस्त छु हालान्डले अर्को वर्ष पनि हाम्रै लागि खेल्नेछन्, ‘उनले भने, ‘रियल र बार्सिलोनालाई हाम्रो सम्झौता र परिस्थितिका बारेमा राम्रो जानकारी हुनुपर्दछ ।’

अप्रिलमा हालान्डका एजेन्ट मिनो राइओलाले दुवै क्लबसँग छलफल गरेका थिए । त्यति मात्र होइन सिइओले अर्को स्टार जोर्डन सान्चोका बारेमा पनि बोलेका छन् । सान्चो गत वर्ष म्यानचेस्टर युनाइटेड जाने चर्चा चले पनि अन्तत उनी क्लबमै रहेका थिए ।

‘म एकदमै आनन्दमा छु । गत समयको अन्तिम समय सम्म पनि सान्चो हामीसँग हुन्छ भन्ने कसैलाई विश्वास थिएन । तर अहिले उनी हामीसँगै छने,’ वाट्ज्केले भने, ‘टोली भएपछि खेलाडीसँम्झौता गर्ने वा जान दिने विकल्प हुन्छ । हामीले यसलाई स्वभाविक लिनुपर्दछ । तर हामीलाई थाहा छ सम्झौता कस्तो छ भन्ने त्यसले हामीलाई मद्दत गर्दैछ ।’