3 years ago
August 20, 2021
एजेन्सी – फ्रान्सेली फरवार्ड करिम बेन्जेमाले स्पेनिस क्लब रियल म्याड्रिडमा सम्झौता नविकरण गरेका छन् । क्लब र बेन्जेमाबीच दुई वर्षको सम्झौता नविकरण भएको हो ।
सम्झौता अनुसार ३३ वर्षीय बेन्जेमा सन् २०२३ को सिजनको अन्त्यसम्म रियलमा रहनेछन् । जतिबेला उनको उमेर ३५ वर्ष बढी हुनेछ । रियलमा बेन्जेमाको सम्झौता २०२२ सम्म रहेको थियो । सम्झौता अवधि अझै एक सिजन बाँकी रहँदा दुई पक्षबीच सहमति भएको हो ।
सदावहार फरवार्ड क्रिस्टियानो रोनाल्डोको बर्हिगमनसँगै रियलमा पछिल्लो तीन सिजन आक्रमण जिम्मेवारी सम्हालेका बेन्जेमाले आफुलाई थप प्रमाणित गरेपछि रियलले बेन्जेमालाई क्लबमै राख्ने योजना बनाएको हो । उनले पछिल्लो तीन सिजनमा लगातार उच्च स्तरको फुटबल खेल्दै आएका छन् ।
बेन्जेमा सन् २००९ मा २१ वर्षको उमेरमा फ्रान्सेली क्लब लियोनबाट ३६ मिलियन युरोमा रियलमा आबद्ध भएका थिए । सोही समयमा रियलले त्यसबेलाको कीर्तिमानी मुल्यमा रोनाल्डो र ब्राजिली काकालाई भित्र्याएको थियो । उनले रियलमा ५६० खेलमा २८१ गोल गरेका छन् ।
उनी क्लबको पाँचौ सर्वाधिक गोलकर्ता हुन् । अझै दुई सिजनको समयावधि बाँकी रहँदा उनले सान्टिलाना (२९०) र अल्फ्रेडो डि स्टेफानो (३०८) लाई उछिन्न सक्नेछन् । उनलाई यो कीर्तिमान रोक्न २७ गोलको खाँचो छ । उनले यो सिजनको सुरुवाती खेलमै दुई गोल गरिसकेका छन् ।
सम्झौता नविकरण हुने छैटौं खेलाडी
शुक्रबार करिम बेन्जेमाको सम्झौता नविकरण भएसँगै उनी पछिल्लो तीन महिनामा क्लबमा सम्झौता हुने छैटौं खेलाडी बनेका छन् । यसअघि लुका मोड्रिच (२०२२), लुकास भास्क्वेज (२०२४), नाचो फर्नान्डेस (२०२३), ड्यानी कार्भाजल (२०२५) र थिवाउट कोर्टुवा २०२६) को सम्झौता नविकरण भएको थियो ।
रियलले मार्सेलो, इस्को र ग्यारेथ बेलको सम्झौता नविकरण गरेको छैन । उनीहरुको सम्झौता नविकरण हुन नसकेको अवस्थामा यो सिजनको अन्त्यसँगै उनीहरु फ्रिएजेन्ट बन्नेछन् ।
December 5, 2024
दिपक बोहोरा,पाँचथर छ वर्ष पछि आयोजना हुन लागेको फाल्गुनन्द गोल्डकपमा १० टोलीको सहभागिता रहने निश्चित भएको छ। योसँगै आयोजक फिदिम स्पोर्टिङ क्लबले पुरस्कार राशी दोब्बर बृद्धि गरेका छन् । सदरमुकाम फिदिममा बिहीवार पत्रकार सम्मेलन मार्फत आयोजकले प्रतियोगिताको जानकारी दिएको छ। फाल्गुनन्द गोल्डकपको ११ औं संस्करण पुस ६ गतेबाट १५ गते सम्म फिदिम माविको खेल मैदानमा […]
December 4, 2024
हिमाल खरेल, बिर्तामोड दस दिनपछि हुने बिर्तामोड झापा कप अन्तर्राष्ट्रिय आमन्त्रण फुटबल प्रतियोगिताको तयारी अन्तिम चरणमा पुगेको छ । फुटबल क्लब झापा ११ एफसीको आयोजनामा हुन लागेको प्रतियोगिताका लागि अस्थायी प्यारापिट निर्माण सम्पन्न भएको छ । १० हजार दर्शक क्षमताको बाँसको अस्थायी प्यारापिट बनाइएको छ । त्यस्तै, प्रतियोगितालाई अझ उत्कृष्ट, भव्य र परिष्कृत बनाउनका लागि […]
December 4, 2024
एजेन्सी – बार्सिलोनाले स्पेनिस ला लिगामा मंगलवार सानदार जित निकालेको छ। शीर्षस्थानको बार्सिलोनाले उसकै मैदानमा मालोर्कालाई ५-१ ले हराउँदै दोस्रो स्थानको रियल म्याड्रिडसँगको अंक दूरीलाई पुनः बढाएको छ। बार्सिलोनालाई सहज जित दिलाउन राफिन्हाले २, फेरान टोरेस, फ्रेंक डि जोङ र पोउ भिक्टरले समान १ गोल गरे।मालोर्काका भेडाट मक्यूले १ गोल फर्काए । बार्सिलोनाले १२ औं […]