3 years ago
August 29, 2021
एजेन्सी – इंग्लिस प्रिमियर लिग अन्तर्गत शनिबार भएको खेलमा चेल्सी र लिभरपुल १-१ को बराबरीमा रोकिएका छन् । दोस्रो हाफ १० खेलाडीमा सिमित रहेको चेल्सीले लिभरपुलको मैदानमा अंक खोस्न सफल रहयो । खेलको पहिलो हाफमा चेल्सीले अग्रता लिएपनि अन्त्यतिर रातो कार्डसँगै अग्रता गुमाएको थियो । २२ औं मिनेटमा काइ हाभर्ट्जले गोल गर्दै चेल्सीलाई अग्रता दिलाएका […]
एजेन्सी – इंग्लिस प्रिमियर लिग अन्तर्गत शनिबार भएको खेलमा चेल्सी र लिभरपुल १-१ को बराबरीमा रोकिएका छन् । दोस्रो हाफ १० खेलाडीमा सिमित रहेको चेल्सीले लिभरपुलको मैदानमा अंक खोस्न सफल रहयो ।
खेलको पहिलो हाफमा चेल्सीले अग्रता लिएपनि अन्त्यतिर रातो कार्डसँगै अग्रता गुमाएको थियो । २२ औं मिनेटमा काइ हाभर्ट्जले गोल गर्दै चेल्सीलाई अग्रता दिलाएका थिए । उनले रिस जेम्सको कर्नरमा गरेको फ्लिक हेडर सिधै गोलमा परिणत भएको थियो ।
इन्ज्युरी समयमा जेम्सले गोललाइनमा गोल बचाउने क्रममा बलले हातमा लागेपछि रेफ्रीले रातो कार्ड दिएका थिए । भिडियो असिस्टेन्ट रेफ्रीको सहायता लिँदै रेफ्री एन्थोनी टेलरले जेम्सलाई रातो कार्ड दिँदै लिभरपुललाई पेनाल्टी दिए । उक्त पेनाल्टीको सदुपयोग गर्दै मोहमद सलाहले खेल बराबरीमा ल्याए । गोल खाएपछि चेल्सीका गोलरक्षकले बल हान्ने प्रयासमा लिभरपुलका जोर्डन हेन्डरसनलाइ लाग्दा केहीबेर तनावको स्थिति सिर्जना भएको थियो ।
दोस्रो हाफमा लिभरपुलले एकतर्फी आक्रमण गरेपनि खेलमा अग्रता बनाउन सकेन । चेल्सीले रक्षात्मक रणनीति अपनाउँदै लिभरपुलको आक्रमणलाई जम्ने कुनै अवसर दिएन । यस बराबरीले दुवै टोलीको अपराजित यात्रा कायम रहेको छ । दुवै टोलीले ३ खेलमा समान ७-७ अंक जोडेका छन् ।
शनिबार नै एभर्टनले घरेलु टोली ब्राइटनमाथि २–० को सहज जित हात पार्यो । दि अमेरिकन एक्सप्रेस कम्युनिटी स्टेडियममा शनिबार राति भएको खेलमा एभर्टनको जितमा डेमाराई ग्रे र डोमिनिक काल्भर्ट लेविनले गोल गरे । प्रतिस्पर्धात्मक खेलको ४१औं मिनेटमा डेमाराई ग्रेको गोलबाट एर्भटनले पहिलो हाफमा १–० को अग्रता लिएको थियो । उनले एलानको पासमा गोल गरेका थिए ।
४४औं मिनेटमा डोमिनिक काल्भर्ट लेविनको प्रहारलाई ब्राइटनका गोलरक्षक रोबर्ट सान्चेजले विफल पारे । ५८औं मिनेटमा डोमिनिक काल्भर्ट लेविनले पेनाल्टीमार्फत गोल गर्दै एभर्टनको अग्रता दोब्बर पारे । सिमस कोलम्यानलाई पेनाल्टी क्षेत्रभित्र फल गरेपछि रेफ्रीले एर्भटनलाई पेनाल्टी प्रदान गरेका थिए । जसलाई लेविनले सहजै गोलमा परिणत गरे ।
त्यसपछि थप गोल निस्कन नसक्दा एभर्टन २–० ले विजयी हुन सफल भयो । प्रिमियर लिगमा एभर्टनको यो दोस्रो जित हो । दोस्रो जितसँगै एभर्टनले ३ खेलबाट ७ अंक जोडेको छ । पहिलो हार बेहारेको ब्राइटनको ३ खेलबाट ६ अंक छ ।
यस्तै अर्काे खेलमा लेस्टर सिटीले घरेलु टोली नर्विच सिटीमाथि २–१ को जित दर्ता गरेको छ । लेस्टरको जितमा जेमी भार्डी र मार्क अल्ब्राइटनले गोल गर्दा घरेलु टोलीका टिमु पुकीको गोल सान्त्वना बन्यो । खेलको आठौं मिनेटमा लेस्टरका लागि जेमी भार्डीको गोलबाट लेस्टरले अग्रता लिएको थियो ।
४४औं मिनेटमा टिमु पुकीले पेनाल्टीमार्फत बराबरी गोल फर्काएका थिए । ७६औं मिनेटमा मार्क अल्ब्राइटनले गोल गर्दै लेस्टरलाई २–१ ले अघि बढाए । ८०औं मिनेटमा केन्नी म्याकलिनले गोल गरेपनि भिएआरबट मान्यता नपाउँदा नर्विच बराबरीबाट चुक्यो । भिएआरमा उनी अफसाइड ठहरिएको थिए । जितसँगै लेस्टरको ३ खेलबाट ६ अंक पुगेको छ । तीन खेलमा नै पराजय बेहोरेको नर्विचले अंकको खाता खोल्न सकेको छैन ।
त्यसअघि साविकको विजेता म्यानचेस्टर सिटीले इंग्लिस प्रिमियर लिगमा आर्सनलमाथि सानदार जित दर्ता गरेको थियो । पहिलो हाफमा नै १० खेलाडीमा समेटिएको आर्सनललाई सिटीले घरेलु मैदानमा ५–० ले पराजित गरेको हो ।
इतिहाद स्टेडियममा घरेलु टोलीको सानदार जितमा फेरान टोरेसले २ तथा इल्काए गुन्डोगान, गाब्रियल जेसस र रोड्रीले १-१ गोल गरे । एकपक्षीय खेलमा सिटीले खेलको सातौं मिनेटमा नै गुन्डोगानको गोलबाट अग्रता लिएको थियो । गाब्रियल जेससको क्रसमा उनको हेडर गोलरक्षक बर्न्ड लेनोको हातमा लाग्दै गोल भएको थियो ।
१२औं मिनेटमा फेरान टोरेसले सिटीको अग्रता दोब्बर पारे । १९औं मिनेटमा इमिल स्थिम रोवीको प्रहारलाई गोलरक्षक इडर्सन मोराएसले बचाउँदा आर्सननले गोल अन्तर घटाउन सकेन । ३५औं मिनेटमा ग्रानिट झाका सिधै रातो कार्ड खादै मैदानबाट बाहिरिएपछि आर्सनल थप दवावमा आएको थियो । जोओ क्यान्ससेलोमाथि फल गरेपछि रेफ्रीले झाकालाई रातो कार्ड देखाउँदै मैदान बाहिर पठाए ।
४३औं मिनेटमा ब्राजिली गाब्रियल जेससले गोल गर्दै सिटीलाई पहिलो हाफमा ३–० को आरामदायी अग्रता दिलाए । उनले ज्याक ग्रेलिसको पासमा सहज गोल गरेका थिए । पहिलो हाफमा नै निकै दबाबमा रहेको आर्सनलले दोस्रो हाफमा पूर्ण रुपमा रक्षात्मक रणनीति अपनाउँदै सिटीलाई रोक्ने काम मात्र गरिरह्यो ।
५०औं मिनेटमा ग्रेलिसको पासमा बर्नाडो सिल्भाको प्रहारलाई गोलरक्षक लेनोले विफल पारे । ५३औं मिनेटमा फेरान टोरेसको पासमा रोड्रीले गोल गर्दै सिटीलाई फराकिलो जिततर्फ अग्रसर गराए । टोरेसले ८४ औं मिनेटमा माहरेजको पासमा व्यक्तिगत दोस्रो गोल गर्दै सिटीलाई सानदार जित दिलाएका थिए ।
प्रिमियर लिगमा सिटीको यो दोस्रो जित हो । पहिलो खेलमा टोटेनहमसँग १–० ले स्तब्ध भएपछि सिटीले दोस्रो खेलमा नर्विच सिटीमाथि ५–० को जित निकाल्दै जितको लयमा फर्किएको थियो । यो जितसँगै सिटीको तीन खेलबाट ६ अंक पुगेको छ ।
यता, खराब सुरुवात गरेको आर्सनलले लगातार तेस्रो खेलमा गोल गर्न नसक्दा अंकविहिन नै रहयो । यो आर्सनलको क्लब इतिहासकै सबैभन्दा खराब सुरुवात हो । आर्सनल पहिलो खेलमा नव प्रवेशी ब्रेन्टफर्ड र चेल्सीसँग समान २–० ले पराजित भएको थियो ।
अन्य नतिजा :
म्यानचेस्टर सिटीविरुद्ध आर्सनल (५–०)
एस्टन भिल्लाविरुद्ध ब्रेन्टफर्ड (१–१)
ब्राइटनविरुद्ध एभर्टन (०–२)
न्युक्यासलविरुद्ध साउथह्याम्टन (२–२)
नर्विच सिटीविरुद्ध लेस्टर सिटी (१–२)
वेस्ट ह्यामविरुद्ध क्रिस्टल प्यालेस (२–२)
April 29, 2024
एजेन्सी – पेरिस सेन्ट जर्मान (पिएसजी) ले १२औं पटक फ्रेन्च शीर्ष डिभिजन लिगको उपाधि जितेको छ । गएराती सम्पन्न खेलमा मो लियोन सँग ३-२ ले पराजित भएसँगै पिएसजी तीन खेल बाँकी छदै लिग विजेता बनेको हो । पिएसजीको यो लगातार तेस्रो लिग उपाधि हो । शनिबार ले हाभ्रे विरुद्ध ३-३ को बराबरी पछि पिएसजी मोनाको […]
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]