3 years ago
September 13, 2021
काठमाडौं (हाम्रो खेलकुद)– अखिल नेपाल फुटबल संघ (एन्फा) का पूर्व मिडिया अफिसर आयुष खड्काले दक्षिण एसियाली खेलकुद महासंघ (साफ) को हेड अफ मिडिया एन्ड कम्युनिकेसनको भूमिका सम्हालेका छन् ।
बंगलादेशको ढाकामा रहेको साफ मुख्यालयमा आइतबारबाट उनले जिम्मेवारी सम्हालेका छन् । ५ दिन क्वारेन्टिनमा बिताएपछि उनले जिम्मेवारी सम्हालेका हुन् । यद्दपी उनको नियुक्ती भने फेब्रुअरीमा नै भएको थियो । कोरोना महामारीका कारण उनी गत साता मात्र त्यसतर्फ गएका थिए ।
फुटबलमा काम गर्ने पहिला देखिकै इच्छा अनुसार नै एन्फामा प्रवेश गरेको बताउँदै खड्काले भने, ‘मलाई फुटबलमा पहिलादेखि नै रुची थियो । त्यसैले एन्फामा आबद्ध हुने अवसर मिल्यो । त्यसपछि जिम्मेवारी निर्वाह गर्ने क्रममा परिचयको दायरा पनि बढ्दै गयो र अझै फराकिलो दायरामा काम गर्ने चाहना अनुसार अहिले साफमा आइपुगेको छु । खुसी लागेको छ ।’
सन् २०१४ मा एन्फा प्रवेश गरेका खड्काले सुरुमा एन्फा मिडिया अफिसर तथा २०१८ देखि २०२० को अन्तिम सम्म इन्टरनेसनल रिलेशन (अन्तर्राष्ट्रिय सम्बन्ध) विभाग हेरेका थिए । त्यसअघि उनले झन्डै ८ वर्ष उनी खेलकुद पत्रकारिता गरेका थिए । २००५ देखि २०१३ सम्म काठमाडौं पोष्टमा खेलकुद पत्रकारिता गरेका उनले केहि समय सिन्ह्वामा पनि काम गरे ।
एसियाली फुटबल महासंघ (एएफसी) को फुटबल एडमिनिष्ट्रेसन सर्टिफिकेटको ९ महिने कोर्ष पूरा गरेको खड्काले एएफसी सि लाइसेन्स पनि उर्तिण गरेका छन् । एन्फामा काम गरेकै कारण आफ्नो दायरालाई फराकिलो पार्न सहज भएको उल्लेख गर्दै ३७ वर्षे खड्काले भने, ‘यहाँ मुख्यतः दक्षिण एसियाली फुटबल संघको गतिविधिलाई सञ्चारकर्मीलाई जानकारी दिने जिम्मेवारी हो । एन्फामा विगतमा मैले बटुलेको अनुभवले नयाँ भूमिका पनि सहयोग पुग्नेछ ।’
May 21, 2024
एजेन्सी – ग्यारेथ साउथगेटले युरो २०२४ का लागि आफ्नो ३३ खेलाडीको प्रारम्भिक इंग्ल्याण्ड टोली सार्वजनिक गरेका छन् । तीन वर्ष अघि घरेलु भूमिमा फाइनलमा पराजित इंग्ल्याण्ड यस पटक पनि उपाधि दावेदारको रुपमा रहेको छ । पछिल्लो केहि वर्षमा टोलीको महत्वपुर्ण खेलाडीका रुपमा रहेका मार्कस रासफोर्ड, जोर्डन हेन्डरसन र रहिम स्टर्लिङ यसपटक भने टोलीमा परेका छैनन् […]
May 21, 2024
एजेन्सी – स्टार खेलाडी क्रिस्टियनो रोनाल्डो व्यक्तिगत छैठौँ युरोपियन च्याम्पियनसिपका लागि पोर्चुगलको प्रारम्भिक टोलीमा परेका छन् । सन् २०१६ को युरोपियन च्याम्पियनसिपमा पोर्चुगलले उपाधि जित्दा नेतृत्व गरेका क्रिस्टियानो रोनाल्डोलाई युरो २०२४ का लागि रोबर्टो मार्टिनेजको २६ सदस्यीय टोलीमा समावेश गरेका हुन् । ३९ वर्षिय रोनाल्डो प्रतियोगितामा १४ गोलसहित कीर्तिमान गोलकर्ता हुन् भने उनले प्रतियोगितामा सबैभन्दा […]
May 21, 2024
काठमाडौं (हाम्रो खेलकुद) – समाज कल्याण खेलकुद केन्द्र क्लब जारी सहिद स्मारक सि डिभिजन लिगको चौथो स्थानमा उक्लिएको छ । मंगलवार भएको दिनको दोस्रो खेलमा सानेपा क्लबलाई ४-० ले हराउँदै तालिकाको शीर्ष स्थानमा उक्लिएको हो । जित हासिल गरेको समाज कल्याणको ९ खेलमा १६ अंक भएको छ । पराजित सानेपाको समान ९ खेलमा ११ अंक […]