काठमाडौं (हाम्रो खेलकुद) – रेडबुल फुटसल लिगमा सोमबार कुमारी फुटसल र बानेश्वर रिक्रेसनल सेन्टर विजयी भएका छन् । समुह एमा कुमारीले सोमबार बिजी ब्रदर्शमाथि १५–२ को फराकिलो अन्तरले हरायो ।
कुमारीका लागि अभिषेक रिजाल एक्लैले १० गोल गरे । त्यस्तै दिकेश खड्कीले ह्याट्रिक गरे गरे भने रुपेश क्षेत्री र सुभेत लामाले समान एक गोल गरे । बिजी ब्रदर्शका नारायाण सम्बोहाम्फेले दुई गोल फर्काए । अभिषेक खेलका म्यान अफ दी म्याच घोषित भए ।
१२ खेलपछि २६ अंकका साथ कुमारी दोस्रो स्थानमा उक्लेको छ । बिजी ब्रदर्श १९ अंकसहित सातौं स्थानमा छ । २८ अंकका साथ शंखमुख समूह बीको शीर्षस्थानमा छ भने ताहचल २२ अंकका साथ तेस्रो स्थानमा छ ।
समुह एको खेलमा बानेश्वर रिक्रिएसनल सेन्टरले चौर रिक्रिएसनल सेन्टरलाई ८–२ ले हरायो । बानेश्वरका लागि दिपु लामाले ४ गोल, पूर्ण बहादुर केसीले २ तथा कर्फु रसाइली र मनिष रानाले समान १ गोल गरे । चौरका लागि सन्जोग महर्जनले दुई गोल फर्काए ।
