नवलपुर (हाम्रो खेलकुद) – ललितपुरले एमआरआर फुटसल २०७९ को उपाधि जितेको छ । फाइनलमा बुटवल ए लाई पराजित गर्दै ललितपुरले पहिलो पटक उपाधि जितेको हो ।
नवलपुरस्थित कावासोती फुटसलमा ललितपुरले एकपक्षीय प्रदर्शन गर्दै उपाधि पक्का गर्यो । फाइनलमा बुटवल ए माथि ३-१ को जित दर्ता गर्दै टोली च्याम्पियन बनेको थियो । त्यसअघि सेमिफाइनलमा पोखरालाई ३-० ले पन्छाउँदै ललितपुरले फाइनलमा स्थान बनाएको थियो ।
बुटवलले भने सेमिफाइनलमा भक्तपुरलाई सडन डेथमा हराएको थियो । निर्धारित समयको खेल १-१ को बराबरी र टाइब्रेकरमा ३-३ को बराबरीपछि खेल सडन डेथमा निर्णय भएको थियो । १५ टोलीको सहभागिता रहेको प्रतियोगिता नकआउट पद्दतिमा खेलिएको थियो ।
उपाधि विजेता ललितपुरका अमित काफ्ले प्रतियोगिताको उत्कृष्ट गोलरक्षक र विकल्प थापा उत्कृष्ट डिफेन्डर घोषित भए । च्याम्पियन ललितपुरका रोशन रानामगरले सर्वाधिक गोलकर्ताको अवार्ड जिते । प्रतियोगताका सर्वोत्कृष्ट खेलाडी उपविजेता बुटवल ए का अनिश शाक्य घोषित भए ।
प्रतियोगिताको मुख्य प्रायोजक एम्बिसन गुरु, सह प्रायोजक आवर क्लोजेट र प्रायोजकमा क्याप्सुल फार्मेसी, कावासोती सेन्ट जोसेफ स्कुल र हिमालयन वारीयर्स थिए । सहयोगीमा जर्सी पसल नेपाल, फोनपे, आइटी पार्टनर द भ्यालु क्रु र इन्टरनेट पार्टनर सुबिसु थिए ।
त्यस्तै प्रतियोगिताको मेडिकल पार्टनरमा शंकर पोलिक्लिनिक तथा मिडिया पार्टनरमा रुटिन अफ नेपाल बन्द, हाम्रो खेलकुद र डीटिएम मिडिया थिए । प्रतियोगिताको प्रत्यक्ष प्रसारण हाम्रो खेलकुदले गरेको थियो ।
प्रतियोगिताका नतिजाहरु :
राउन्ड अफ १५ :
हेटौंडा १-० काठमाडौं बी
धरान ०-३ भक्तपुर
काठमाडौं ए १-३ ललितपुर
स्याङ्जा ३-० बुटवल बी
चितवन ०-१ पोखरा
काभ्रे ०-२ बुटवल ए
झापा (३) १-१ (४) नवलपुर बी
क्वाटरफाइनल :
भक्तपुर ३-१ नवलपुर ए
हेटौंडा १-३ ललितपुर
बुटवल ए ४-१ स्याङ्जा
पोखरा ६-० नवलपुर बी
सेमिफाइनल :
बुटवल ए (३) १-१ (२) भक्तपुर
ललितपुर ३-० पोखरा
फाइनल :
बुटवल ए १-३ ललितपुर
