काठमाडौं (हाम्रो खेलकुद)– राष्ट्रिय धान दिवसको अवसरमा थापागाँउ सुधार समितिले आयोजना गरेको मैत्रीपूर्ण फुटसल टिम ‘ए’ ले जितेको छ । थापागाँउस्थित रोयल फुटसलमा आज भएको फाइनलमा टिम ‘ए’ ले टिम ‘बी’ लाई २–१ ले हराएको थियो ।
विजेता टोलीका लागि सम्राट केसी र दीपक थापाले गोल गरे । पराजित टोलीका लागि शशी थापाले गोल गरे । त्यसअघि सेमिफाइनलमा टिम ‘ए’ ले टिम ‘डी’ लाई र टिम ‘बी’ ले ‘सी’ लाई हराउँदै फाइनलमा स्थान पक्का गरेका थिए ।
विजेता टोलीका खेलाडीलाई पूर्व प्रधान न्यायधिश केदारप्रसाद उपाध्यायले मेडल र प्रमाण पत्र वितरण गरे । राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठलगायतले सहभागी टोलीलाई प्रमाणपत्र वितरण गरे ।
