7 years ago
July 6, 2017
काठमाडौँ (हाम्रो खेलकुद) – नेपालले फुटसल इतिहासमै पहिलोपटक अन्तर्राष्ट्रिय स्तरको औपचारिक फुटसल प्रतियोगितामा सहभागिता जनाउने भएको छ। एएफसी फुटसल च्याम्पियनसिप २०१८को छनोट चरण अन्तर्गत बिहिबार भएको ड्रमा नेपाल समूह ‘ए’मा परेको हो। पहिलो सहभागिता जनाइरहेको नेपाल समूहमा उज्बेकिस्तान, किर्गिस्तान र तुर्कमेनिस्तानसँग परेको छ। उज्बेकिस्तान प्रतियोगिताको साविक उपविजेता हो भने किर्गिस्तानले यसअघिको संस्करणमा अन्तिम चरणमा प्रवेश […]
काठमाडौँ (हाम्रो खेलकुद) – नेपालले फुटसल इतिहासमै पहिलोपटक अन्तर्राष्ट्रिय स्तरको औपचारिक फुटसल प्रतियोगितामा सहभागिता जनाउने भएको छ। एएफसी फुटसल च्याम्पियनसिप २०१८को छनोट चरण अन्तर्गत बिहिबार भएको ड्रमा नेपाल समूह ‘ए’मा परेको हो।
पहिलो सहभागिता जनाइरहेको नेपाल समूहमा उज्बेकिस्तान, किर्गिस्तान र तुर्कमेनिस्तानसँग परेको छ। उज्बेकिस्तान प्रतियोगिताको साविक उपविजेता हो भने किर्गिस्तानले यसअघिको संस्करणमा अन्तिम चरणमा प्रवेश गरेको थियो। प्रतियोगिता अक्टोबर १३ देखि २२ तारिखसम्म इरानमा आयोजना हुने एन्फाले जनाएको छ।
नेपालले १५ अक्टोबरमा उज्बेकिस्तानसँग खेल्नेछ भने त्यसको भोलिपल्ट किर्गिस्तानको सामना गर्नेछ। समूहको अन्तिम खेल अन्तर्गत १७ अक्टोबरमा नेपालले तुर्कमेनिस्तानसँग खेल्नेछ। समूह चरणको विजेता र उपविजेताले प्रतियोगिता अन्तिम चरणमा प्रवेश पाउनेछ। प्रतियोगिताको अन्तिम चरण २०१८ फेब्रुअरीमा हुनेछ।
प्रतियोगितामा सहभागिता जनाउन खेलाडी छनोटका निम्ति एन्फाले अगष्ट महिनामा औपचारिक फुटसल लिगको आयोजना गर्दैछ। उक्त प्रतियोगितामा एन्फा अन्तर्गत दर्ता भएका कुनैपनि क्लबले सहभागिता जनाउन पाउनेछन्। प्रतियोगितामा सहभागिता जनाउने टोलीसँग अनिवार्य रुपमा एएफसी फुटसल कोचिङ लाइसेन्स भएका प्रशिक्षक हुनुपर्ने प्रावधान रहेको छ।
एन्फाले केहि महिनाअघि एएफसी फुटसल प्रशिक्षण कोर्ष गराएको थियो। उक्त कोर्षमा १९ प्रशिक्षकको सहभागिता रहेको थियो। यसैगरी प्रतियोगिता संचालनलाई मध्यनजर गर्दै अगष्ट महिनाको सुरुवातमै रेफ्री कोर्ष पनि राखिने एन्फाले जनाएको छ।
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]