काठमाडौं (हाम्रो खेलकुद) – पहिलो संस्करणको रेडबुल राष्ट्रिय फुटसल लिग च्याम्पियनसिपको सम्पूर्ण तयारी पुरा भएको अखिल नेपाल फुटबल संघ(एन्फा) अन्र्तगतको फुटसल समितिले सम्र्पर्ण तयारी पुरा भएको जनाएको छ ।

सातदोबाटोस्थित एन्फा परिसरमा बुधबार पत्रकार सम्मेलनको आयोजना गर्दै फुटसल समितिका अध्यक्ष रमेश रायमाझीले जानकारी गराए । प्रतियोगिता काठमाडौंका दुई फुटसल एरिना स्तुपा फुटसल बौद्ध र चौर रिक्रिएसन सेन्टर बाँसबारीमा हुनेछ । भाद्र १५ गतेदेखि २५ गते सम्म हुने च्याम्पियनसिपको पहिलो दिन तीन आठ खेल हुनेछ ।

नेपालले अक्टोबर १३ देखि २२ तारिखसम्म इरानमा हुने एएफसी फुटसल च्याम्पियनसिपमा सहभागिता जनाउने प्रतियोगिताको खेलाडी छनोटको रुपमा हेरिएको प्रतियोगितामा विभिन्न १६ टिमले सहभागिता जनाउनेछ । लिग कम नकआउटका आधारमा हुने प्रतियोगितामा सहभागिता जनाएका १६ टिमलाई दुई समूहमा विभाजन गरिएको छ ।

समूह ‘ए’ मा खुमलटार युवा क्लब, बिजी ब्रदर्श, किक अफ फुटसल, हरिसिद्धि फुटसल, खालीबारी फुटबल क्लब, स्वयम्भु रिक्रिएसन सेन्टर, विजी फुटसल र धन्यन्तरी फुटसल रहेका छन् यस्तै समूह ‘बी’ मा फुटसल भिलेज, सामाखुशी फुटसल, शंखमुल फुटसल, रजनी फुटसल, स्तुपा फुटसल, रेभ फुटसल र ढुकु फुसटसल हव र चौर रिक्रियसन फुटसल रहेका छन् ।

प्रतियोगिताको विजेताले पाँच लाख प्राप्त गर्नेछन् । यस्तै उपविजेताले २ लाख ५० हजार प्राप्त गर्ने आयोजकले जनाएको छ । यस्तै उत्कृष्ट गोलरक्षक, डिफेन्स, फरवार्ड र मिडफिल्डर र प्रशिक्षकले समान २०–२० हजार प्राप्त गर्नेछन् ।

रेडबुल राष्ट्रिय फुटसल लिग च्याम्पियनसिप आयोजना गर्न फुटसल समितिले यसअघि नै इभेन्ट म्यानेजमेन्ट कम्पनी टर्नपाइक इभेन्ट प्रालिसँग पाँचवर्षे सम्झौता गरेको थियो । सम्झौता अनुसार टर्नपाइकले यो सम्झौता अनुसार टर्नपाइकले एन्फालाई ५ वर्षमा १ करोड ५० लाख नगद उपलब्ध गराउनेछ । यस्तै सम्झौता अनुसार एन्फाले नेपालमा आयोजना गर्ने हरेक फुटसल प्रतियोगितामा लाग्ने समपूर्ण खर्चको दुई तिहाई रकम बेहोर्नेछ ।