काठमाडौं (हाम्रो खेलकुद)– शंखमुल फुटसलले राजधानीमा जारी एन्फा रेडबुल राष्ट्रिय फुटसल लिग च्याम्पियनसिप फराकिलो जित हासिल गरेको छ । स्तुपा फुटसल बौद्धमा शुक्रबार भएको खेलमा लगातार दोस्रो खेल जित्ने क्रममा शंखमुलले रजनी फुटसलमाथि ९–२ ले हराएको थियो ।
यसअघि शंखमुलले रेभ फुटसललाई ५–२ ले पराजित गरेको थियो । रजनीको भने यो लगातार दोस्रो हार हो । रजनी यसअघि स्तुपा फुटसल बौद्धसँग पराजित भएको थियो ।
यस्तै स्तुपा फुटसल बौद्धमै भएको अन्य खेलहरुमा ढुकु फुटसलले फुटसल भिलेजमाथि ८–७ को प्रतिस्पर्धात्मक जित निकाल्यो । चौर रिक्रिएसन फुटसलले रेभ फुटसलमाथि ३–२ को झिनो जित निकाल्दा सामाखशुी फुटसलले स्तुपा फुटसलमाथि ३–२ कै जित निकाल्यो ।
यस्तै चौर रिक्रिएसन सेन्टर बाँसबारीमा भएको खेलमा एक्सटेप किक अफ फुटसलले हरिसिद्धिमाथि ८–२ को फराकिलो जित निकाल्यो । विजी फुटसलले खुमलटारलाई ६–१ को फराकिलो अन्तरले हरायो । धन्यन्तरीले स्वयम्भुमाथि ७–२ को तथा खालीबारीले विजी ब्रदर्शलाई ५–० ले हरायो ।
प्रतियोगिता अन्र्तगत शनिबार पनि ८ खेल हुदैछ । स्तुपा फुटसल बौद्धमा स्वयम्भुले बिजी ब्रदर्श, बिजी फुटसलले धन्यन्तरी, हरिसिद्धिले खुमलटार तथा खालीबारीले किक अफसँग खेल्नेछ । यस्तै चौर रिक्रिएसन सेन्टर बाँसबारीमा रेभले सामाखुशी, ढुकुले चौर, रजनीले फुटसल भिलेज तथा स्तुपाले शंखमुलको सामना गर्नेछ ।
