7 years ago
September 2, 2017
काठमाडौं (हाम्रो खेेलकुुद) – राजधानीमा जारी एन्फा रेडबुल राष्ट्रिय फुटसल च्याम्पियनसिपमा किक अफ फुटसलले लगातार दोस्रो जित दर्ता गरेको छ । बाँसबारीस्थित चौर रिक्रिएसन सेन्टरमा शनिबार भएको खेलमा स्तुपा फुटसल बौद्धसँग ४–२ ले जित्दै शंखमुलले प्रतियोगितामा तेसो जित हासिल गरेको छ । यसअघि शंखमुलले रेभ फुटसललाई ५–२ ले तथा रजनी फुटसलमाथि ९–२ को फराकिलो जित निकालेको थियो । […]
काठमाडौं (हाम्रो खेेलकुुद) – राजधानीमा जारी एन्फा रेडबुल राष्ट्रिय फुटसल च्याम्पियनसिपमा किक अफ फुटसलले लगातार दोस्रो जित दर्ता गरेको छ ।
बाँसबारीस्थित चौर रिक्रिएसन सेन्टरमा शनिबार भएको खेलमा स्तुपा फुटसल बौद्धसँग ४–२ ले जित्दै शंखमुलले प्रतियोगितामा तेसो जित हासिल गरेको छ । यसअघि शंखमुलले रेभ फुटसललाई ५–२ ले तथा रजनी फुटसलमाथि ९–२ को फराकिलो जित निकालेको थियो । चौर रिक्रिएसन सेन्टरमा शनिबारै भएको अर्काे खेलमा रजनी फुटसलले च्याम्पियनसिपमा पहिलो जित निकाल्यो । लगातार दुई हार बेहोरेको रजनीले फुटसल भिलेजमाथि ६–१ को फराकिलो जित निकाल्यो । रेभ फुटसल र सामाखुशी फुटसलले २–२ गोलको तथा ढुकु र चौरले १–१ गोलको बराबरी खेल्दै अंक बाँडे ।
यस्तै स्तुपा फुटसल बौद्धमा भएको खेलमा स्वयम्भुले बिजी ब्रदर्शमाथि ७–५ को जित निकाल्यो । बिजी फुटसलले धन्यन्तरीमाथि ५–३ को जित निकाल्दा हरिसिद्धीले खुमलटारलाई ५–३ ले पराजित गर्दै च्याम्पियनसिपमा पहिलो जित निकाल्यो । अर्काे रोमाञ्चक खेलमा किक अफले खालीबारीमाथि ६–४ को जित निकाल्यो । किक अफको यो च्याम्पियनसिपमा दोस्रो जित हो । पहिलो खेलमा स्वयम्भुसँग ३–२ ले पराजित भएको किक अफले दोस्रो खेलमा हरिसिद्धीमाथि ८–२ को फराकिलो जित निकालेको थियो ।
नेपालले अक्टोबर १३ देखि २२ तारिखसम्म इरानमा हुने एएफसी फुटसल च्याम्पियनसिपमा सहभागिता जनाउने प्रतियोगिताको खेलाडी छनोटको रुपमा हेरिएको प्रतियोगितामा विभिन्न १६ टिमले च्याम्पियनसिपमा लिग कम नकआउटका आधारमा खेलिरहेको छ ।
प्रतियोगिताको विजेताले पाँच लाख प्राप्त गर्नेछन् । यस्तै उपविजेताले २ लाख ५० हजार प्राप्त गर्ने आयोजकले जनाएको छ । यस्तै उत्कृष्ट गोलरक्षक, डिफेन्स, फरवार्ड र मिडफिल्डर र प्रशिक्षकले समान २०–२० हजार प्राप्त गर्नेछन् ।
च्याम्पियनसिप अन्र्तगत आइतबार पनि समूह चरणका आठ खेलहरु हुनेछन् । स्तुपा फुटसल बौद्धमा ढुकुले स्तुपा, चौरले रजनी, सामाखुशीले शंखमुल र रेभले फुटसल भिलेजको सामना गर्नेछ । यस्तै चौरमा बिजी फुटसल र खालीबारी, धन्यन्तरी र हरिसिद्धि, बिजी ब्रदर्श र किक अफ तथा स्वयम्भु र खुमलटारबीच खेल हुनेछ ।
नोट : यसअघि शंखमुलको जित हुनुपर्ने हुँदा अन्यथा भएकाले यो समाचार भाद्र १७ गते , राती १०:५९ बजे साच्याइएको छ ।
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]