काठमाडौं (हाम्रो खेलकुद) – किक अफ फुटसल राजधानीमा जारी एन्फा रेडबुल राष्ट्रिय फुटसल च्याम्पियनसिपको समूह ‘ए’ को दोस्रो स्थानमा उक्लिएको छ । च्याम्पियनसिप अन्तर्गत चौर रिक्रिएसन सेन्टरमा मंगलबार भएको खेलमा धन्यन्तरी फुटसललाई ७–२ ले पराजित गर्दै समूह ‘बी’ मा दोस्रो स्थानमा उक्लिएको हो । किक अफको ६ खेलबाट १३ अंक छ भने समान खेलबाट १२ अंक जोडेको धन्यन्तरी तेस्रो स्थानमा झरेको हो ।

चौरमै भएको अर्काे खेलमा विजी फुटसलले हरिसिद्धिमाथि ६–२ को जित निकाल्यो । अर्काे खेलमा स्वयम्भुले खालीबारीमाथि ८–३ को सहज जित निकाल्दा विजी ब्रदर्श र खुमलटारले ३–३ गोलको बराबरी खेल्दै अंक बाँडे । सामाखुशी फुटसल समूह ‘बी’ बाट एन्फा रेडबुल राष्ट्रिय फुटसल च्याम्पियनसिपको सेमिफाइनलमा पुग्न सफल भएको छ ।स्तुपा फुटसल बौद्धमा मंगलबार सामाखुशीले फुटसल भिलेजमाथि ६–२ को सहज जित निकालेपछि सामाखुशी एक खेल अगावै क्वाटरफाइनलमा पुग्न सफल भएको हो ।

सामाखुशीको ६ खेलबाट १६ अंक पुगेको छ । यस्तै अर्काे खेलमा स्तुपाले रेभ फुटसलमाथि ८–१ को फराकिलो जित निकाल्दै दोस्रो स्थान यथावत राखेको छ । स्तुपाको ६ खेलबाट १३ अंक पुगेको छ । शंखमुललाई ५–४ ले हराएको चौरले दोस्रो स्थानको स्तुपालाई पछ्याइरहेको छ । अर्काे खेलमा ढुकुले रजनीमाथि १०–५ को जित निकाल्यो । च्याम्पियनसिप अन्र्तगत बुधबार समूह चरणका अन्तिम खेलहरु हुनेछन् । स्तुपा फुटसल बौद्धमा विजी फुटसलले किक अफ, धन्यन्तरीले विजी ब्रदर्श, खुमलटारले खालीबारी तथा स्वयम्भु र हरिसिद्धिबीच खेल हुनेछ । चौर रिक्रिएसन सेन्टर बाँसबारीमा ढुकुले शंखमुल, चौरले सामाखुशी, फुटसलल भिलेजले स्तुपा तथा रेभ फुटसलले रजनी फुटसलसँग खेल्नेछ । हरेक समूहका शीर्ष चार टोली क्वाटरफाइनलमा प्रवेश गर्नेछन् ।

नेपालले अक्टोबर १३ देखि २२ तारिखसम्म इरानमा हुने एएफसी फुटसल च्याम्पियनसिपमा सहभागिता जनाउने प्रतियोगिताको खेलाडी छनोटको रुपमा हेरिएको प्रतियोगितामा विभिन्न १६ टिमले च्याम्पियनसिपमा लिग कम नकआउटका आधारमा प्रतिस्पर्धा गरिरहेको छ । च्याम्पियनसिपको विजेताले पाँच लाख प्राप्त गर्नेछन् । यस्तै उपविजेताले २ लाख ५० हजार प्राप्त गर्ने आयोजकले जनाएको छ । यस्तै उत्कृष्ट गोलरक्षक, डिफेन्स, फरवार्ड र मिडफिल्डर र प्रशिक्षकले समान २०–२० हजार प्राप्त गर्नेछन् ।