6 years ago
November 23, 2017
काठमाडौं (हाम्रो खेलकुद) – प्रथम अल्फा बिटा अन्तर कलेज फुटसल प्रतियोगिताको क्वार्टरफाइनल समिकरण पूरा भएको छ । शंखमुलस्थित शंखमुल फुटसलमा बिहिबार भएको समूह चरणको अन्तिम खेलपछि फुटसलको क्वार्टरफाइनल समिकरण पूरा भएको हो । प्रतियोगितामा समूह ‘ए’ बाट साइपाल एकेडेमी समूह विजेता बन्दा कान्जिरोवा उपविजेता बन्यो । यस्तै समूह ‘बी’ बाट आइडियल कलेज विजेता तथा ओलम्पिया […]
काठमाडौं (हाम्रो खेलकुद) – प्रथम अल्फा बिटा अन्तर कलेज फुटसल प्रतियोगिताको क्वार्टरफाइनल समिकरण पूरा भएको छ । शंखमुलस्थित शंखमुल फुटसलमा बिहिबार भएको समूह चरणको अन्तिम खेलपछि फुटसलको क्वार्टरफाइनल समिकरण पूरा भएको हो ।
प्रतियोगितामा समूह ‘ए’ बाट साइपाल एकेडेमी समूह विजेता बन्दा कान्जिरोवा उपविजेता बन्यो । यस्तै समूह ‘बी’ बाट आइडियल कलेज विजेता तथा ओलम्पिया उपविजेता बन्यो । समूह ‘सी’ बाट ह्वाइटहाउस समूह विजेता तथा इनसाइड भिजन उपविजेता बन्यो । समूह ‘डी’ बाट टाइम्सले समूह विजेताको रुपमा क्वार्टरफाइनलमा स्थान बनाउँदा गोल्डेनगेटले उपविजेता बन्दै अन्तिम आठमा स्थान बनायो ।
बिहिबार भएको खेलमा आइडियल र ओलम्पियाले गोलरहित बराबरी खेल्दै अंक बाँडे । दुवै टोलीको समान ७ अंक भएपनि ओलम्पिया गोलअन्तरमा पछि पर्यो । साइपालले कान्जिरोवामाथि ५–० को जित निकाल्यो ।
यस्तै ह्वाइटफिल्डले ब्रिटिस कलेजलाई ५–१, टाइम्सले युलनेसलाई ७–२, ह्वाइटहाउसले ब्रिटिस कलेजलाई ३–१, इनसाइड भिजनले ह्वाइटफिल्डलाई ४–०, कान्जिरोवाले लिभरपुलाई ३–१ र टाइम्सले गोल्डेनगेटलाई २–० ले पराजित गर्यो ।
प्रतियोगिता अन्तर्गत शुक्रबार क्वार्टरफाइनल, सेमिफाइनल र फाइनलका खेल हुने प्रतियोगिता संयोजक तथा पूर्वराष्ट्रिय खेलाडी हरि खड्काले जानकारी गराए ।
प्रतियोगितामा राजधानीका विभिन्न १६ कलेजको सहभागिता रहेको थियो । १६ कलेजलाई ४ समूहमा विभाजन गरिएको हो । हरेक समूहका शीर्ष दुई टोली क्वार्टरफाइनलमा प्रवेश गरेका हुन् । प्रतियोगिताको विजेताले ट्रफीसहित १ लाख, दोस्रो हुनेले ६० हजार, तेस्रो हुने टोलीले ४० हजार रुपैयाँ प्राप्त गर्नेछन् ।
त्यस्तै प्रतियोगिताको क्वार्टरफाइनलबाट खेलको ‘म्यान अफ दी म्याच’ले १ हजार रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडी र सर्वाधिक गोलकर्ताले समान १० हजार रुपैयाँ प्राप्त गर्नेछन् ।
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]
