काठमाडौं (हाम्रो खेलकुद) – नेपाल भेटनरी एसोसिएनको आयोजनामा अर्को महिना काठमाडौंमा रन फर प्रोटिन हाफ म्याराथन आयोजन हुने भएको छ ।

आयोजकले आइतबार राजधानीमा पत्रकार सम्मेलनको आयोजना गर्दै म्याराथन पुस ३ गते शनिबार त्रिपुरेश्वरस्थित दशरथ रंगशालामा हुने जानकारी गराएको हो ।

प्रतियोगितामा खुल्ला हाफ म्याराथान (महिला÷पुरुष), खुल्लापुरुष १० किमि, महिला ५ किमि, १२ कक्षासम्मका विद्यार्थीलाई ५ किमि (पुरुष) र ३ किमि (महिला) र फरक क्षमता भएका व्यतिmहरुको लागि ह्वीलचेयर गरी ६ विधा समावेश गरिएको नेपाल भेटनरी एसोसिएनका अध्यक्ष डाक्टर सितलकाजी श्रेष्ठले जानकारी गराए ।

हाफ म्याराथनको महिला तथा पुरुषको विजेताले समान १ लाख रुपैया हात पार्नेछ । दोस्रो हुनेले ७५ हजार, तेस्रो हुनेले ५० हजार, चौथो हुनेले ४० हजार र पाँचौ हुनेले ३० हजार रुपैयाँ हात पार्नेछ । १० किलोमिटरको विजेताले ५० हजार, दोस्रो हुनेले ४० हजार, तेस्रो हुनेले ३० हजार, चौथो हुनेले २० हजार र पाँचौ हुनेले १० हजार रुपैयाँ हात पार्नेछ ।

५ किलोमिटर पुरुषतर्फ र ३ किलोमिटर महिलातर्फको विजेताले समान ३० हजार रुपैयाँ हात पार्नेछ । दोस्रो हुनेले २० हजार, तेस्रो हुनेले १५ हजार, चौथो हुनेले १० हजार तथा पाँचौ हुनेले ५ हजार रुपैयाँ हात पार्नेछ । ह्वील चेयरको विजेताले ३० हजार, दोस्रो हुनेले २० हजार, तेस्रो हुनेले १५ हजार, चौथो हुनेले १० हजार र पाँचौ हुनेले ५ हजार रुपैयाँ हात पार्ने आयोजकले जनाएको छ । पुरस्कारमा मात्रै १० लाख ५० हजार रहेको छ ।

म्याराथनमा करिव २ हजारको सहभागिता रहने अनुमान गरिएको नेपाल भेटनरी एसोसिएनका अध्यक्ष डाक्टर सितलकाजी श्रेष्ठले जानकारी गराए । उनले प्रतियोगितालाई निरन्तरता दिने बताए । म्याराथन दशरथ रंगशालाबाट शुरु भएर थापाथली, माइतीघर, नयाँ बानेश्वर, तिनकुने, कोटेश्वर, गठ्ठाघर, राधे–राधे (भाटभटेनी स्टोर) हुदै सोही रुट फिर्ता हुदै दशरथ रंगशालामा आएर टुंगिनेछ ।

यस प्रतियोगितालाई नेपाल दाना उद्योग संघ, नेपाल पशुपन्छी औषधि व्यवसायी संघ, नेपाल ह्याचरी उद्योग संघ, नेपाल अण्डा उत्पादक संघ लगायतका संस्था सहयोगीको रुपमा रहेका छन् । दौडलाई नेपाल एथलेक्सिक एशोसिएसनले मान्यता दिनुका साथै प्राविधिक सहयोग समेत गरेकोे सचिव आरके विष्टले जानकारी गराए ।