2 years ago
January 13, 2022
काठमाडौं (हाम्रो खेलकुद) – टर्नपाइक इभेन्ट प्रालिको आयोजना र नेपाल बास्केटबल संघको प्राबिधिक सहयोगमा ‘राष्ट्रिय बास्केटबल लिग’ हुने बिहिबार पत्रकार सम्मेलनमा जानकारी गरियो । नेपालमा बास्केटबलको फ्रेन्चाईज लिग पहिलो पटक हुन लागेको आयोजक टर्नपाइक इभेन्ट प्रालिका डाईरेक्टर आलोक प्रताब रानाले बिहीबार पत्रकार सम्मेलनमा जानकारी गराए । उनले भने हामी केहि फरक गर्न चाहन्छौं, अहिलेको बास्केटबललाई […]
काठमाडौं (हाम्रो खेलकुद) – टर्नपाइक इभेन्ट प्रालिको आयोजना र नेपाल बास्केटबल संघको प्राबिधिक सहयोगमा ‘राष्ट्रिय बास्केटबल लिग’ हुने बिहिबार पत्रकार सम्मेलनमा जानकारी गरियो ।
नेपालमा बास्केटबलको फ्रेन्चाईज लिग पहिलो पटक हुन लागेको आयोजक टर्नपाइक इभेन्ट प्रालिका डाईरेक्टर आलोक प्रताब रानाले बिहीबार पत्रकार सम्मेलनमा जानकारी गराए । उनले भने हामी केहि फरक गर्न चाहन्छौं, अहिलेको बास्केटबललाई कसरी माथी उठाउन सकिन्छ,त्यो नै हाम्रो मुख्य उद्देश्य हो ।
उनले भने विकास माथीबाट होईन ग्रासरुटबाट हुनु पर्छ भन्ने हाम्रो मान्यता हो । हामी नेपाल बास्केटबल संघसँग सहकार्य गरेर उचाईमा पुर्याउन चाहन्छौं, त्यो ब्यावसाहिक खेलकुदबाट मात्र सम्भाव छ । त्यसको शुरुवात अब बाट हुने छ । पत्रकार सम्मेलनमा नेपाल बास्केटबलका कार्यबाहक अध्यक्ष भिमसिंह गुरुङले ऐतिहासिक दिनको भएको बताए ।
उनले भने– ‘राष्ट्रिय बास्केटबल लिग’ ले खेलको विकासमा महत्वपूर्ण भूमिका निर्वाह गर्ने छ । यस लिगलाई मध्यनजर गर्दै संघले पेशेवर खेलाडी र प्रशिक्षकको दर्ता गर्नेछ । खेलाडीहरूलाई ए र बी गरि दुई वर्गमा विभाजन गरी दर्ता गरिने छ । १३ औं सागको प्रशिक्षण रहेका खेलाडी ए बर्गमा रहने छन भने अन्य सम्पूर्ण बी बर्गामा समावेश भएर खेल्ने छन् ।
उनले भने मौफसलमा पनि बास्केटबलको विकास होस भन्ने उद्देश्यले उपत्यका बाहिरका ३० प्रतिसत खेलाडीलाई प्रतियोगितामा समावेश गराउने सोचमा रहेका छौं । अध्यक्ष गुरुङले उच्च श्रेणीको लिगको संज्ञा दिदै खेल सञ्चालनका प्राविधिक पक्षको जिम्मा नेपाल बास्केटवल संघले लिएको जानकारी दिए ।
काठमाडौ, ललितपुर, कीर्तिपुर, पोखरा, भक्तपुर, धरान, विराटनगर, चितवन र बुटवल–धनगढीका शहरहरूको प्रतिनिधत्व गर्ने गरि संचालन हुने ‘राष्ट्रिय बास्केटबल लिग’ आयोजकका डाईरेक्टर प्रशुन श्रेष्ठले टर्नपाइक इभेन्टको अधिनमा रहेको राष्ट्रिय बास्केटबल लिगमा ८ फ्रेन्चाइज क्लबहरूको संरचना घोषणा गरि क्लवहरूसँग लिइने लाईसेन्स फिबापतको ४० प्रतिशत रकम टर्नपाइकले सम्झौता अनुसार नेपाल बास्केटबल संघलाई उपलब्ध गराउने छ ।
दशरथ रङ्गशालास्थित बहुधेश्यीय कर्भडहलमा संचालन हुने लिगका लागि प्रत्येक क्लबमा १० नेपाली हुनेछन् भने अन्तर्राष्ट्रिय २ खेलाडी रहने छन् । क्लबमा मुख्य प्रशिक्षक १, साहायक प्रशिक्षक १ फिजियो १ र म्यानेजर एकजना हुनेछन् ।
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]