2 years ago
February 19, 2022
काठमाडौं (हाम्रो खेलकुद) – लगातार तीन खेल जित्दै कीर्तिपुर नगरपालिका लामा टेन्डी शेर्पा स्मृति खुला बास्केटबल प्रतियोगिताको पुरुषमा शनिबार क्वाटरफाइनलमा प्रवेश गरेको छ ।
समूह ‘ए’ को लिग खेलमा कीर्तिपुरले मोफसलको टोली कास्कीलाई ९४–४७ ले पराजित गर्दै समूह विजेता बन्यो । कीर्तिपुरका अनिल खड्गीले ७ अंक जोड्दा कास्कीका सुदीप कार्कीले सर्वाधिक १६ स्कोर गरे ।
अपराजित कीर्तिपुरले यसअघि समूह चरणको खेलमा बीएमके र एचआईके भिजनलाई हराएको थियो । क्वाटरफाइनल पुग्ने अर्को टोलीको टुंगो लाग्न बाँकी छ । पुरुषमै क्याम्पियन सोलो समूह ‘डी’ को उपविजेता बन्दै क्वाटरफाइनलमा स्थान सुरक्षित गर्न सफल भयो । क्याम्पियनले एनसीसीएसलाई ६७–५५ ले पाखा लगायो ।
क्याम्पियनका मनेष राजोपाध्यायले १३ अंक जोडे । यो समूहबाट गोल्डेनगेट विजेता हुँदै क्वाटरफाइनल पुगिसकेको छ । समूह ‘ए’ कै अर्को लिगमा एचआईकेले बीएमकेलाई ७५–६८ ले पन्छायो । एचआईकेका विजय लामाले २६ अंक बटुले । तीन खेलमा एचआईकेको पहिलो जित हो ।
महिलाको राउन्ड रोविन लिगमा रोयल बास्केटबल एकेडेमीले कीर्तिपुरमाथि ७६–२१ को सहज जित निकाल्यो । रोयलकी प्रतिक्षा मगरले १६ अंक जोडिन् ।
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 6, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोली इङ्ल्यान्ड ‘सि’ सँग पराजित भएको छ । इङ्ल्यान्ड नेसनल लिग टोली एल्डरसट टाउनको घरेलु मैदान इबीबी स्टेडियममा सोमबार भएको खेलमा नेपाल २-० ले पराजित भएको हो । नेपाल खेलको सुरुवाती समयका नै दुई गोलले पछि परेको थियो। इंग्लिस टोलीका लागि आठौं मिनेटमा निक काबाम्बाले […]
